Danmark legði fyri við stórari málveitslu í Herning

HM-endaspæl nummar 29 í manshondbólti fór av bakkastokki í gjárkvøldið. Hetta við tveimum dystum í Danmark og tveimum í Kroatia. Úrslitini vóru ikki óvæntaði.

HM 2025 - dystirnir á fyrsta leikdegi
Í gjár, týsdagin 14.01

Bólkur B (Danmark): 
Italia - Tunesia 32-25
Danmark - Algeria 47-22

Bólkur C (Kroatia):
Frakland - Katar 37-19
Eysturríki - Kuwait 37-26

Tann allarfyrsti dysturin var tann tættasti. Hetta var tann fyrsti endaspælsdysturin hjá Italia síðani 1997, og tað vóru serliga vongurin Leo Prantner og málverjin Domenico Ebner, ið gingu á odda í sigrinum á Tunesia. Liðið, sum Føroyar vunnu á í undankappingini fyri trimum árum síðani, liggur nú væl fyri til at koma víðari.

Í 1995 tapti Danmark sín fyrsta dyst í HM-endaspælinum í Íslandi. Hetta var móti Algeria, og tá var Nikolaj Jacobsen spælari. Sum venjari hevur hann nú staðið á odda fyri 29 dystum í HM-endaspølum: Úrtøkan er 28 sigrar, ein javnleikur og trý steyp.

Nikolaj Jacobsen kundi vera rímiliga róligir í gjár (Mynd: EPA)

Emil Nielsen gjørdist dagsins spælari hjá Danmark. Hann bjargaði umleið helminginum av skotunum, sum komu á seg (Mynd: EPA)

Í gjár byrjaði danska ferðin eftir fjórða HM-gullinum á rað. Algeria var als eingin avbjóðing í Herning, har Emil Nielsen og Mathias Gidsel vóru stóru menninir. Nógvir aðrir vístu sína høga góðsku - fyri Jóhan á Plógv Hansen var tað tó ikki nakað gott kvøld persónliga. Havnarmaðurin hevði tvey skot sínar umleið 30 minuttir í álopinum. Bæði vóru rímiliga frí, og Jóhan brendi bæði. Danmark skoraði tó 47 ferðir, og tað hevur liðið ikki gjørt áður undir Nikolaj Jacobsen.

Frakland vann stórsigur í hinum bólkinum. Dika Mem er til reiðar aftur eftir skaðan, og eru evropameistararnir helst fyrsti avbjóðari hjá Danmark í kappingini, har átta lið skulu í gongd nú.

Hinir bólkarnir: 

Bólkur A (Herning) - byrjar í dag, mikudagin 15.01
Týskland
Pólland
Kekkia 
Sveis

17.00: Kekkia - Sveis
19.30: Týskland - Pólland

Bólkur D (Kroatia) - byrjar í dag, mikudagin 15.01
Ungarn
Norðurmakedónia
Niðurlond 
Guinea

17.00: Niðurlond - Guinea
19.30: Ungarn - Norðurmakedónia

Bólkur E (Noreg) - byrjar byrjar í dag, mikudagin 15.01
Noreg (Vertsland)
Brasil
Portugal
USA

17.00: Portugal - USA
19.30: Noreg - Brasil

Bólkur H (Kroatia) - byrjar byrjar í dag, mikudagin 15.01
Egyptaland
Argentina
Kroatia (Vertsland)
Bahrain

17.00: Egyptaland - Argentina
19.30: Kroatia - Bahrain

-------------------------------------------------------

Bólkur F (Noreg) - byrjar í morgin, hósdagin 16.01
Spania
Svøríki
Japan
Kili

Bólkur G (Kroatia) - byrjar í morgin, hósdagin 16.01
Slovenia 
Ísland
Kuba 
Kap Verde

Øll dystarskráin sæst her