Danskur miðvallari venur við HB

Hópurin hjá steypavinnarunum er fyri nøkrum broytingunum, og liðið verður við kappingarbyrjan komanid ár fyriuttan fleiri av føstu leikarunum frá seinastu árunum:

- Greitt hevur í eina tíð verið, at verjuleikarin Lasse Andersen allarhelst ikki heldur fram
- Sebastian Pingel hevur skift til grannarnar B36 
- Símun Samuelsen boðaði í seinastu viku frá, at hann gevst
- Brynjar Hloðversson fær ikki longt sáttmálan
Landsliðsbakkurin Magnus Egilsson er í løtuni til royndarvenjing hjá nýggja liðnum hjá Heimiri Guðjónssyni í Íslandi

Ivamál er um tveir av sandoyingunum - serliga Ara Mohr Olsen, ið helst ikki heldur fram. Pætur Petersen hevur møguleika fyri at fara til Íslands at spæla, og hevur ikki undirskrivað nýggjan sáttmála.

Afturat hesum eru Hørður Askham og Tróndur Jensen úti til í øllum førum summarsteðgin við krossbandsskaðum.  

HB er í gongd við at styrkja um hópin. Nakað av tilgongd hevur verið (Heri Mohr úr AB og Heðin Hansen úr Víkingi), og bolt.fo skrivaði í gjár, at danskur miðvallari er komin í Gundadal til royndarvenjing. 

Talan er um 24 ára gamla miðvallaran Mathias Nygaard. Sáttmáli hansara við FC Fredericia gongur ut á nýggjárinum. Hann kom til felagið úr Fremad Aarhus í summar. Mathias Nygaard hevur spælt 11 dystir í næstbestu deildini í leiklutinum sum innskiftari og tríggjar steypadystir síðani í summar.