Dramatiskt FA Cup kvøld og føroysk hondbóltsviðgongd í Danmark

Tað hendi nógv ymikst í ítrottarheiminum í gjár. Her er eitt yvirlit yvir nakrar av yvirskiftinum: 

Fótbóltur: 

FA Cup: Tríggir dystir vóru í heimsins elstu steypakapping. Manchester City var aftanfyri 2-0 í Wales, men vendi øllum á høvdið seinastu løtuna og hevur framvegis møguleikan at vinna fimm steyp í ár. Solskjær og United tapti annan dystin á rað, tá Wolves koppaði stórfelagnum.. Seinasti dysturin í 1/4 finaluni er í gongd í dag.

Watford - Crystal Palace 2-1 (1-0)
Swansea - Manchester City 2-3 (2-0)
Wolverhampton - Manchester United 2-1 (0-0)
15.00: Millwall - Brighton

1. deild: Fult umfar var í gjár, og úrsltini háttaðu seg so, at helmingurin av liðunum deila 1. plássi við 4 stigum eftir tvey umfør: 

(FSF - sí støðuna her)

Brandur matchvinnari

Føroyingarnir í FH hava staðið seg væl í uppstartinum. FH vann í gjár 2-1 í Leingjubikarin kappingini, ið er íslendska League Cup; kapping undan sjálvari kappingabyrjanini. Tað var Brandur Hendrikson Olsen, sum sambært bolt.fo, ið avgjørdi dystin eitt korter fyri tíð. 

Hondbóltur: 

FIF greiddi sína skyldu og flutti upp í næstbestu donsku deildina við 33-16 sigri. Landsliðsvongurin Rói Berg Hansen og málverjin Tóraldur Kollsker eru partur av hópinum á Frederiksberg. Hetta var 20. sigurin útav 20 møguligum hjá føroyingafelagnum.

Á Jútlandi skapti U16-liðið hjá Skanderborg eitt bragd við at vinna steypakappingina í U18-deildini. Hetta skrivar in.fo. Á evnaríka liðnum eru tríggir evnaríkir føroyingar: Elias Ellefsen á Skipagøtu, Hákun West av Teigum og Pauli Jacobsen úr Hoyvík. 

Dart: 

Tórshavn Open er um viksukifti. Í gjár háttaðu úrslitini í einstaklingakappingunum seg soleiðis: 

Menn
1. Jan McIntosh
2. Roland Lenngren
3. Petur Thomsen
3. Uni Árting