Fótbóltur

EBS/Skála vann á 07 Vestur

EBS/Skála hevur fingið eina góða byrjan uppá kappingarárið við tveimum sigrum í teimum báðum fyrstu dystunum.

Lea Lisberg skoraði sigursmálið fyri EBS/Skála í 2-1 sigrinum á 07 Vestur. (Mynd: Sverri Egholm)

Lea Lisberg skoraði sigursmálið fyri EBS/Skála í 2-1 sigrinum á 07 Vestur. (Mynd: Sverri Egholm)

2021-03-27 15:40 Author image
Niels Pauli Danielsen
placeholder

Annað umfar í Betri Deildini hjá kvinnum er á skránni um vikuskiftið.

Fríggjakvøldið leiktu Víkingur og KÍ javnleik í Sarpugerði.

Í dag eru tveir dystir á skránni. Tann fyrri varð leiktur á Skála, har heimaliðið, EBS/Skála, vann 2-1 á 07 Vestur.

Tað var Rakul Vesturdal Magnussen, ið legði heimaliðið á odda tá átta minuttir vóru leiktir. Eitt korter fyri steðgin javnaði Margit M. Kwao fyri 07 Vestur til hálvleiksstøðuna 1-1. Tá seks minuttir vóru leiktir av seinna hálvleiki skoraði Lea Lisberg til endaliga úrsliti 2-1.

Við sigrinum hevur EBS/Skála lagt seg á odda í deildini, við fullari úrtøku eftir tveir dystir. HB kann við sigri í morgin leggja seg undir liðina á EBS/Skála, um tær vinna sín dyst ímóti grannunum úr B36.

Klokkan 15 fór seinni dysturin í dag í gongd. Hann er ímillum AB/B71 og NSÍ.


placeholder
placeholder