Eitt flott føroyskt fótbóltskvøld

- Eg haldi, at føroyskur fótbóltur flytir seg "enormt" fyri tíðina. Meira ella minni øll liðini, sum fara út í Evropa, skapa úrslit. Um tað eru javnleikir, sigrar ella at koma víðari. Hetta ar fantastiskt fyri okkum í HB...nú hava vit ikki tapt ein evropeiskan dyst her í næstan tíggju ár.

Orðini eigur Jákup Ludvig Thomsen. HB-áleyparin tryggjaði í gjárkvøldið barndómsfelagaið sínum javnleik móti Brøndby frammanfyri nógvum áskoðarum á Tórsvølli.

Sí samrøðuna her: - Hatta var júst tann møguleikin eg hevði bíðað eftir

Ein fegin Jákup Thomsen og fegnir HB'arar. Málið tryggjaði føroyskum fótbólti eitt flott útslit (Myndir: Sverri Egholm)

Sí fleiri myndir frá dystinum á Tórsvølli her

HB kom annars afturum eftir Brøndby-yvirvág og mál fyrstu løtuna eftir steðgin. Men sum í øðrum dystum undir André Olsen og toymi har HB er komið afturum, vísti liðið styrki og legði stórt trýst á hinvegin.

Hesaferð gekk tað útyvir skandinaviska stórfelagið. Brøndby megnaði ikki at standa ímóti, og serliga ein eyðsýndur Emil Grønn Pedersen burdi javnað, áðrenn Jákup Thomsen slapp framat.

Sí eisini: Brøndby-venjarin: HB javnar ikki tí teir eru góðir - tad er tí vit ikki avrika nóg væl

Í Serbia burdi heimaliðið helst fingið meira burtur nøkrum støðum eftir steðgin. Radnicki vildi sjálvandi ógvuliga gjarna hava ein sigur við sær til Føroyar og trýsti eisini KÍ nógv í 2. hálvleiki.

Tað eydnaðist tó hjá útiliðnum at standa ímóti trýstinum í nógva hitanum, sum ávirkaði. Eftir nakrar vandastøður tá umleið eitt korter var eftir, fekk KÍ tamarhald á aftur og kundi eisini avgjørt dystin í yvirtíðini, tá Daniel Johansen sendir stútara móti serbiska málinum.

Daniel Johansen og Jóannes Kalsø Danielsen fáa vesku eftir loknan dyst (Mynd: Klaksvíkar Ítróttarfelag)

Málleyst og tað merkir, at KÍ hevur eitt gott útgangsstøði til heimadystin hósdagin. Har kann suverena oddaliðið í Betrideildini avgerða tingini  - HB skal niður til Brøndby og royna at skapa nakað heilt stórt.

Føroyska deildin er styrkismett nummar 38 í Evropa, bygt á evropeisk úrslit seinastu fimm árini, meðan fremstu deildirnar í Danmark og Serbia liggja millum 15 og 20 á listanum. Yrkisfeløgini "eiga" at vera sterkari enn tey føroysku, og vit fáa at síggja hvussu tað verður samanlagt. Men í fyrstu syftu hava føroysku liðini sett seg í spennandi støðu.

Tað er harmiligt, at Víkingur fór út úr Champions League, og at NSÍ misti stóra leiðslu í Conference League. Men í átta evropeiskum dystum higartil í summar, hava føroysk feløg fingið stig í fimm teirra (tríggir sigrar og tveir javnleikir)

Conference League 2. umfar - fyrru dystirnir
Hóskvøldið 24. juli 
HB - Brøndby 1-1 (0-0)
62' Filip Bundgaard 0-1
89' Jákup Thomsen 1-1

Les um dystin her: Jákup og eitt flott liðavrik tryggjaði HB-javnleikin á Tórsvølli

Radnicki 1923 - KÍ 0-0

Les um dystin her: KÍ við sterkum avriki í Serbia

--

Seinnu dystirnir verða spældir hóskvøldið 31. juli.