Feløg úr USA fylla nógv á listanum

Amerikanska blaðið Forbes hevur gjørt sín árliga topp-50 lista yvir ríkastu ítrottarfeløgini í heiminum. Dentur verður serliga lagdur á, hvat lið hevur mest viðri. 

Á nýggja listanum liggur Dallas Cowboys ovast. Hetta er fjórðu ferð á rað, at liðið hevur 1. plássið. NFL-liðið hevur eitt virði á 33 milliónir og fekk meira enn 4 milliardir í inntøkum í 2017 - øll tølini uppá inntøkur eru fyri roknskaparárið 2017.

Lið í amerikanskum fótbólti fylla nógv á listanum. Næstan øll liðini í NFL - 29 útav teimum 32 - eru á listanum. Í topp-10 eru trý. Har eru eisini trý fótbóltslið og trý úr NBA (kurvabólti), og so New York Yankees, kendasta baseballfelagið í heiminum. 

Barcelona misti pening í 2017, men eru framvegis høgt á listanum. 

Øll tølini eru í donskum krónum

1. Dallas Cowboys (NFL)
Virði: 33,3 millardir 
Inntøkur: 4,2 milliardir

2. New York Yankees (MLB)
Virði: 30,6 milliardir
Inntøkur: 199,7 milliónir

3. Real Madrid (La Liga)
Virði: 28,2 milliardir
Inntøkur: 745,5 milliónir

4. FC Barcelona (La Liga) 
Virði: 26,9 milliardir 
Inntøkur: -246,3 milliónir

5. New York Knicks (NBA)
Virði: 26,6 milliardir 
Inntøkur: 1 milliard

6. Manchester United (Premier League)
Virði: 25,4 milliardir
Inntøka: 1,6 milliard

7. New England Patriots (NFL)
Virði: 25,3 milliardir
Inntøka: 1,6 milliard

8. Los Angeles Lakers (NBA)
Virði: 24,6 milliardir
Inntøka: 978,5 milliónir 

9. Golden State Warriors (NBA)
Virði: 23,3 milliardir
Inntøkur: 685,6 milliónir

10. New York Giants (NFL)
Virði: 22 milliardir
Inntøkur: 991,8 milliónir

Í topp 50 eru annars níggju baseball-feløg, átta fótbólts-feløg og sjey í kurvabólti. Øll í topp 50 hava eitt virði á yvir 2 milliardir dollarar (yvir 13 millardir), og sambært Forbes vísir hetta, at virði á ítrottarfeløgum er støðugt nógv hækkandi.

Allir listin sæst her