Flogbóltslandsliðið spælir móti Írlandi í morgin

6 leikarar á føroyska kvinnulandsliðnum fáa sín fyrsta A-landsdyst í morgin. Hesar eru Hilda Bolstad Mortensen, Fleyr, Barbara Herdalur Poulsen, Dráttur, Sirið D. Antoniussen, Mjølnir, Anna Larsen, Alborg (fyrr ÍF), Hanna Iansdóttir Biskopstø, Ikast (fyrr Fleyr) og Janna Falkvard, SÍ.

Allar hava verið partur av ungdómslandsliðunum U 17 og U 19, og teirri menningarætlan, sum Flogbóltssambandið hevur skipað fyri gjøgnum árini, eins og fleiri teirra hava royndir frá fremstu deildini í Føroyum, og nu eisini í Danmark.

Dysturin í morgin verður ímóti Írlandi, og verður spældur klokkan 12,00 stóru høllin La Coque í Luksemborg.

Liðið hevur vant nógv saman síðani landskappingin endaði, og hevur havt eina venjing í morgun, eins og ein stutt venjing verður í dystarhøllini í kvøld.

Dysturin í morgin verður stroymdur, og FM 1 hevur eisini beinleiðis frásøgn frá dystinum. Hetta kemur at framganga av heimasíðuni hjá Flogbóltssambandinum.

Hevarar:

Hanna Iansdóttir Biskopstø, Ikast

Janna Falkvard, SÍ

Miðspælarar:

Sirið Antoniussen, Mjølnir

Sóley Mørch Poulsen, KÍF

Súsanna Sólrunardóttir Ludvik, Fleyr

Kantar:

Anja Sonnadóttir Danielsen, Fleyr

Eva Winther Nagata, Aarhus

Hilda Bolstad Mortensen, Fleyr

Sofía Purkhús Splidt, Mjølnir

Diagonalar:

Bára Holm Jacobsen, Fleyr

Hanna Olsen, KÍF

Libero:

Anna Larsen, Aalborg

Barbara Herdalur Poulsen, Dráttur

Venjari: Lars Engell

Hjálparvenjari: Kristian Mikkelsen

Fysioterpeutur: Katrin Petersen

Liðleiðari: Rúna Hentze

Statistikk: Andreas Zachhau

Dómari: Jan Hentze

- Flogbóltssamband Føroya