Annað

FM í kappríðing byrjar seinnapartin

Stórur spenningur er nú ríðast skal kapp við Leynavatn.

(Savnsmynd: Sverri Egholm)

(Savnsmynd: Sverri Egholm)

2019-06-15 13:36 Author image
Sverri Egholm
placeholder

Hóast rossini hava verið fleiri, so er stórur spenningur nú ríðast skal kapp við Leynavatn, skrivar Ríðisamband Føroya. FM í kappríðing byrjar í dag.

Kappast verður í fýra greinum, Skeið, Trav, Tvíspor ung og Tvíspor vaksin. Skeiðrossini eru fýra og har man Syrpa hjá Bárði Johannesen helst metast at vera favorittur, í Trav eru fimm ross og har fer dysturin helst at standa millum Grettir við Kristfríð D. Jacobsen á baki og Savoy og Eiler Joensen. Hjá ungum eru trý ross við, í fjør vann Sílfa hjá Ásu Bárðadóttir sera sannførandi og man hon helst eisini fara at gera um seg í dag. 

Hjá teimum vaksnu eru seks ross við, trý ross dystaðust um FM í fjør, tey eru øll við aftur í ár. Svanna við Hans Paula Poulsen á baki vunnu FM og Hans Pauli ger altíð ein vørr, tað veit man. Hann er tó ikki seinasta riðlinum í dag, tað eru nummar tvey og trý frá í fjør. Freyr hjá Onnu Magnussen og Marengo við Regini Johannessen á baki. Tað verður helst eitt av hesum ið vinna, men í kappríðing kann alt henda, sigur Ríðisambandið.

Kappríðingin verður við Leynavatn klokkan 15 í dag.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder