Føroyskir landsliðsfimleikarar royna seg Danmark

Astrið Nanly Breckmann, Rebekka Ingadóttir Rein, Sólja Fei Müller og Gunnvá Mørkøre, sum eru nakrar av teimum sum eru á føroyska landsliðnum í amboðsfimleiki royna seg í hesum døgum í Danmark.

Tær eru partur av bruttohópinum av danska landsliðnum sum skal luttaka í EM, sum verður í Turkalandi í desember 2020.

Í løtuni eru tær til fyrstu úttøkutest í Ålborg. Astrið og Rebekka luttaka sum seniorar, í meðan Sólja og Gunnvá luttaka sum juniorar.

Camelia Mihaela Mindricel-Selariu, sum er landliðsvenjari, er eisini við á ferðini.

Fremstu fimleikarnar á dreingjasíðuni eru eisini í eini slíkari tilgongd, sigur Føroya Fimleikasamband, sum fegnast um spennandi møguleikarnir fyri fremstu amboðsfimleikararnar í Føroyum, hóast talan er um danska landsliðið.