Frá borðtennissambandinum til ítróttaráðgeva

1. oktober byrjar Andras Nolsøe í starvinum sum ítróttaráðgevi hjá Ítróttasambandi Føroya, ÍSF. Hann avloysir Jarvin Feilberg Hansen, sum gavst ístarvinum fyrr í summar.

Umframt útbúgving sum fysioterapeut, er Andras eisini útbúgvin bankaatstøðingur. Seinastu seks árini hevur Andras arbeitt sum fysioterapetur. Harumframt hevur Andras drúgvar royndir sum ungdómsvenjari í borðtennis og fótbólti, umframt at hann hevur luttikið í nevndararbeiði.

Andras Nolsøe er kendur persónur innan ÍSF og er í dag formaður í Borðtennissambandi Føroya, BTSF.

- Fyri ikki at sleppa BTSF uppá fjall hava vit avtalað, at Andras tryggjar eina skiljagóða yvirgongd av formansskapinum í borðtennissambandinum. Hetta merkir, at Andras er leysur av øllum formellum tilknýti til BTSF í seinasta lagi við ársenda, sigur ÍSF í fráboðan í dag.