French Open: Rafael Nadal vann fyri 13. ferð

Finalan í einum av teimum fýra stóru tenniskappingunum, French Open, varð leikt í gjár. Har hittust Rafael Nadal og Novak Djokovic. Fleiri mettu Djokovic, ið ikki hevði tapt ein dyst í 2020, at vera favorittur undan dystinum.

Men í finaluni avrikaði Rafael Nadal sera gott. Spaniólin vann 3-0, við settúrslitinum 6-0, 6-2 og 7-5.

Hetta var trettandi sigur hjá Nadal í French Open, og Grand Slam sigur nummar 20.

Rafael Nadal er í harðari kapping við júst Novak Djokovic og Roger Federer, um at vera tann leikarin við flest Grand Slam sigrum hjá monnnum. Nadal og Federer hava tjúgu Grand Slam sigrar, meðan Djokovic hevur seytjan.