Fýra fingu heiðursmerki fyri arbeiði til frama fyri føroyskan ítrótt

Tað er siður á aðalfundinum hjá ÍSF at lata heiðursmerki fyri arbeiði til frama fyri føroyskan ítrótt, og leygardagin var einki undantak.

Ítróttarsamband Føroya skrivar, at Oddmar Nielsen, formaður í Bogaskjótisambandi Føroya, fekk silvurmerki, og at tríggir mans fingu gullmerki fingu:

Magnus Tausen, formaður í Flogbóltsambandi Føroya
Rókur í Jákupsstovu, formaður í Svimjisambandi Føroya
Hjalmar Petersen, sum er fyrrverandi formaður í Ríðisambandi Føroya og dómari í hondbólti – hann var m.a. altjóða dómari saman við Kristiani Johansen í fleiri ár.

Nevndarval 
Jon Hestoy og John Kjær stóðu fyri vali á aðalfundinum. Báðir vóru afturvaldir uttan mótvalevni, skrivar ÍSF.

Nevndin í ÍSF (Mynd: Ítróttarsamband Føroya)