Fótbóltur

Hans Jørgen Djurhuus sagt seg úr starvi

Annar av høvuðsvenjarunum hjá ÍF seinastu tvey árini gevst. Ólavur Larsen heldur fram, boðar ÍF frá.

Hans Jørgen Djurhuus (Mynd: Jens Kr. Vang)

Hans Jørgen Djurhuus (Mynd: Jens Kr. Vang)

2021-01-04 17:38 Author image
Sverri Egholm
placeholder

Hans Jørgen Djurhuus, annar av høvuðsvenjarunum hjá ÍF seinastu tvey árini gevst. Hesum hevur hann boðað ÍF frá í dag, sigur felagið í fráboðan.

Sambært felagnum er orsøkin, at uppgávurnar í dagliga starvinum hjá honum fylla ov nógv í mun til at røkja eitt venjarastarv í Betri deildini.

Hetta er aðru ferð í dag, at ein venjari í Betri deildini boðar frá, at hann gevst sum venjari. Um middagsleitið kunngjørdi HB, at Jens Berthel Askou, hevði fingið annað venjarastarv, og ikki fór at standa á odda hjá greipuvinnarunum næsta kappingarár.

- Ólavur Larsen kemur at halda fram sum venjari, og vit arbeiða víðari við at manna restina av toyminum, sigur ÍF.

Fuglfirðingar skavaðu í fjør 26 stig saman og endaðu á sætta plássið.

placeholder
placeholder