Fótbóltur

HB kann vinna FM sunnudagin

Málið hjá Bartali Wardum til 2-2 í gjár kann fáa sera stóra týdning. HB kann tryggja sær føroyameistaraheiti við einum sigri á TB sunnudagin.

(Mynd: Sverri Egholm)

(Mynd: Sverri Egholm)

2020-10-29 19:58 Author image
Agnar Prestá
placeholder

Í gjár vórðu tríggir dystir í Betrideildini leiktir. Talan var um útsettar dystir.

Á Tórsvølli var tað lívligt og spennandi. NSÍ legði seg á odda tvær ferðir. Fyrst var tað eyðsýndi Pætur Skipanes, ið smekkaði bóltin í HB-málið, eftir hegnisligt upplegg frá Peturi Knudsen. 20-ára gamli vinstri vongbakkurin er í gongd við at fáa eitt veurligt gjøgnumbrot í Betrideildini - málið kom í einari løtu, har NSÍ var við yvrilutan.

[object Object]
NSÍ trýsti HB væl í gjár (Mynd: Sverri Egholm)

HB kom væl út til 2. hálvleik, og eftir eitt langt innkast kom bólturin útfrá til Adrian Justinussen, ið staddur á brotsteigarmarkinum var ivaleysur. 1-1 helt tó bara í tveir minuttir. So fekk NSÍ eina umstilling; ein HB-leikari gleið, so at Jesper Christjansen fekk pláss. Danin royndi at spæla bóltin innum verjuna, men Adrian hevði tikið eina sera góða "returrenning". 7'arin hjá HB var tó óheppinum, tí í royndini at stegða alveringini til Petur legði hann bóltin av óvart til rættis fyri púra fría Klæmint Olsen, ið takkaði fyri. Teitur var seldur, og so var 2-1 til útliðið.

NSÍ helt fram at hótta, og HB sá ikki ut sum liðið ofta hevur gjørt í ár. Petur Knudsen fekk miðskeiðis í hálveikinum nógv pláss í HB-brotsteignum, men javnsetti toppskjúttin í Betrideildini sendi onkursvegna bóltin framvið. Eit mál til 1-3 hevði veurliga gjørt tað trupult fyri HB og hevði helst gjørt, at FM-stríðið var víðopið. Ístaðin fekk HB fjórða málið í dystinum. Heimaliðið nógv fyri í deyðbóltinum, og í 78. minutti legði Daniel Johansen horna inn til aftasta økið, har Delphin Tshiembe, ið annars hevði stórar trupulleikar í gjár, bóltin inn í málteigin, har Bartal Wardum setti pannuna á.

[object Object]Málið til 2-2 ger, at HB nú kann avgera alt sunnudagin við at vinna á TB á heimavølli (Mynd: Sverri Egholm)

Bartal: Gjørdu tað ringt fyri okkum sjálvar

Stór frøi á HB-áskoðarunum sum eins og á Argjum vórðu hildnir á pínubonkinum. HB hevði nakrar vandamiklar støður eftir málið, og bólturin endaði eisini einaferð í NSÍ-málinum, men Hilmar Leon Jakobsen var akkurat í rangstøðu. NSÍ trýsti seinastu løtuna, men tað endaði 2-2, og harvið er HB framvegis í tí støðu, at liðið kann sleppa undan einari FM-finalu í Klaksvík 7. november. Til tað krevst ein sigur á TB á Tórsvølli sunnudagin, ella at KÍ ikki fær fult í Runavík sunnudagin.

Um HB og TB spæla javnt, gerst HB føroyameistari við javnleiki móti TB, og um bæði liðini tapa, so kunnu tey í HB fegnast um 24. føroyameistariheiti í søguni.

Hjá NSÍ er ástøðiligi møguleikin fyri FM farin, men liðið hevur nú tvær "finalur" um 2. plássi: Fyrst móti KÍ og síðani móti B36


Dystirnir í gjár:


HB - NSÍ 2-2 (0-1)
36' Pætur Turiðarson Skipanes 0-1
48' Adrian Rúnason Justinussen 1-1
51' Klæmint Andrasson Olsen 1-2
78' Bartal Wardum 2-2

Sí eisini: 

HB eitt fet nærri FM

Myndir: HB - NSÍ

Allan K. Jepsen: Tvey mál burdu verið nóg mikið á útivølli móti HB

Bartal Wardum: Gjørdu tað ringt fyri okkum sjálvar


Víkingur - KÍ 1-3 (1-1)
7' Jonn Johannessen 0-1
14' Sølvi Vatnhamar (br.) 1-1
70' Ísak Simonsen 1-2
90' Ole Erik Midtskogen 1-3

Les eisini: KÍ er nú á øðrum plássi

ÍF - B36 1-2 (0-0)
64' Uros Stojanov 1-0
70' Alex Mellemgaard 1-1
90' Jóhann Hansson Joensen 1-2

Les eisini: B36 tryggjaði sær aftur trý stig í evstu løtu

Støðan í Betri deildini

1. HB (65 stig) 25 dystir
2. KÍ (58 stig) 24 dystir
3. NSÍ (57 stig) 25 dystir
4. B36 (56 stig) 25 dystir
5. Víkingur (44 stig) 25 dystir
6. ÍF (23 stig) 25 dystir
7. EB/Streymur (23 stig) 25 dystir
8. TB (15 stig) 25 dystir
9. AB (7 stig) 24 dystir
10. Skála (6 stig) 25 dystir


Komandi dystir - sunnudagin 1. november:

Fuglafjørður
14:00
Streymnes
14:00
Norðragøta
15:00
Runavík
15:00
Tórshavn
15:00

(FaroeSoccer)

placeholder
placeholder