HB og Víkingur spæla finaluna í VFF CUP

Fimm umfør eru spæld í VFF Cup, og harvið er bert finaluumfarið eftir. Hetta er á skránni nú leygardagin 11. januar, og allir dystirnir verða spældir í Tórshavn.

Spælt verður eftir stigatalvuni. Tað vil siga, at nummar eitt og nummar tvey spæla finalu, nummar 3 og 4 í løtuni spæla um 3. plássið og so framvegis.

Støðan eftir fimm umfør: 
1. HB 15 stig
2. Víkingur 15 stig
3. KÍ 12 stig
4. B36 7 stig *
5. B68 7 stig
6. AB 4 stig
7. 07 Vestur 4 stig
8. NSÍ 3 stig
9. ÍF 3 stig
10. EB/Streymur 1 stig *

*B36 og EB/Streymur skuldu spæla í januar, men dysturin varð fleiri ferðir fluttir vegna veður og at enda ongantíð spældur. Liðini fingu síðani eitt stig hvør

Hetta er skráin í Gundadali leygardagin, 11. januar:

Kelda: Faroesoccer og Venjarafelagið 

ÍF - EB/Streymur og B68 - AB verða spældir á Ovara Vølli - hinir tríggir á Tórsvølli. Televarpið vísir finaluna, har liðini við fullum stigatali hittast, og dystin áðrenn millum KÍ og B36. 

Harvið kemur Venjarakappingin at enda í vikuskiftinum. Stórsteypadysturin millum KÍ og Víking verður sunnudagin 26. februar - fyrsta umfar í Betrideildini er á skránni vikuskifti eftir tað; fyrsta vikuskifti í mars.