Kappróður

Heiðra rógvarunum í ÍSF-húsinum

Í morgin verða rógvararnir, sum luttóku á heimsmeistarastevnuni í Los Angeles um vikuskiftið, heiðraðir.

Mynd: Róðrarsamband Føroya

Mynd: Róðrarsamband Føroya

2019-02-27 17:30 Author image
Tíðindaskriv

Róðrarsamband Føroya fer at heiðra rógvarunum, ið luttóku til EM og HM kappingarnar í inniróðri, sum hava verið í januar og februar í ár.

Føroysku rógvararnir fingu sera góð úrslit í báðum kappingunum. Rógvararnir komu aftur frá EM kappingini við tilsamans fimm gull, trimum silvur og tveimum bronsu heiðursmerkjum. Í HM kappingini, sum júst hevur verið í Los Angeles, fingu tey eitt gull, eitt silvur og eitt bronsu heiðursmerki, umframt tvey gull heiðursmerkir í Beach Sprints.

Móttøkan verður í ÍSF-húsinum í morgin, hósdagin 28. februar, kl. 17.15.

- Róðrarsamband Føroya