Agnar Prestá
Leygardagin fer bólturin aftur á rull í Betrideildini. Tað hevur verið bíðað eftir hesum leingi - tveir mánaðir afturat teimum stóru fýra mánaðunum, sum ætlanin var, at tað skuldi. Á tíðindafundi beint áðrenn páskir boðaði løgmaður frá, at ítróttarkappingar kunnu byrja aftur 9. mai, og tað verður Betrideildini hjá monnum, ið sum tann fyrsta sum fer í gongd; júst hesa dagfestingina.
Ikki síðani 2003, tá fyrsta umfar varð leikt 16. mai, er 1. umfar bríkslað í gongd so seint.
Les eisini: Yvirlit yvir seinastu venjingardystirnar
Dystirnir eru spjaddir nakað út. Tveir eru fyrsta tíðspunktið, klokkan 15.00. Ein í Gundadali og ein við Løkin. Sambært bolt.fo stóð dysturin við Løkin fyrst at verða klokkan 13.00, men hetta er nú broytt.
Skála og ÍF byrja ein tíma seinni. Stóri dysturin í umfarinum, millum nummar eitt og tvey í fjør, byrjar klokkan 17, og seinasti dysturin fer í gongd klokkan 19 á Argjum
1. umfar í Betrideildini
Leygardagin 09.05
Klokkan 15.00: NSÌ-TB
HB-EB/Streymur
16.00: Skála-ÍF
17.00: KÍ-B36
19.00: AB-Víkingur
Vit fara at fylgja gongdini í dystunum ígjøgnum dagin og verða til staðar við myndatólunum á ymsum støðum.
Tíverri sær veðrið, sum nú er, ikki at verða so gott til fótbólt leygardagin (Les meira: Kunnu vænta kavaæl til 1. umfar
Televarpið vísir allar dystirnar beinleiðis - ein á Rás 1. TV2 í Noreg fer at senda HB-EB/Streym, KÍ-B36 og AB-Víking.
Vinarliga broyt tínar kennifíla - og privatlívsstillingar fyri at síggja hetta innihald