Fótbóltur

Hesi hittast í fjórðingsfinalunum

HB skal ein túr suður um Skopunarfjørð, B36 til Eiðis, grannauppgerð verður í Fuglafirði, og 07 Vestur skal á vitjan hjá KÍ ella NSÍ.

Víkingur til Fuglafjarðar at spæla fjórðingsfinalu (Savnsmynd: Jens Kr. Vang)

Víkingur til Fuglafjarðar at spæla fjórðingsfinalu (Savnsmynd: Jens Kr. Vang)

2021-04-19 20:07 Author image
Sverri Egholm
placeholder

Lutakast var í kvøld um hvussu spælast skal í fjórðingsfinalunum um løgmanssteypinum. Lutakastið fall soleiðis, at topplið skulu spæla móti botnliðum og einum liði í næstbestu deildini.

Sjey dystir í fyrsta umfari av kappingini um løgmanssteypið vórðu leiktir í gjár, men dysturin millum KÍ og NSÍ kundi ikki avgreiðast orsakað av, at skaði var komin á tað eina málið.

Lutakastið varð kortini gjøgnumført og soleiðis verður leikt:

B71-HB
EB/Streymur-B36
ÍF-Víkingur
KÍ/NSÍ-07 Vestur

Hvørjum 07 Vestur skal møta, verður avgjørt í annaðkvøld klokkan 19, tá KÍ og NSÍ spæla útsetta dystin.

Fjórðingsfinalurnar í kappingini um løgmanssteypið verða leiktar 30. mai, meðan hálvfinalurnar, sum í ár eru tvær í tali, ikki verða leiktar fyrr enn 18. august og 2. oktober.

Finalan verður 6. november.

placeholder
placeholder