Høgni Højsted: - Hetta er næstan óbeskriviligt

Katowice, Pólland (Portalurin): - Ein fingur í eyga hóskvøldið gjørdi, at Høgni Højsted noyddist at sita uttanfyri í HM-hálvfinaluni fríggjakvøldið.

Nú var eyga so mikið batnað, at tað bar til at spæla bronsudyst.

Soleiðis sá Høgni Højsted út fríggjadagin. Hann var hovin, og tað bankaði, tá høgri bakkurin royndi at renna (Mynd: Sverri Egholm)

Høgni Højsted kom inn nakað inn í dystin og dekkaði ógvuliga væl sum "tvey'ari" á bakkinum. Hann skoraði eisini eitt gott mál - uppá sítt einasta skot - men eftir 40 minuttir var galið.

Eftir eitt skump, sum helst ikki var neyðugt at geva meira enn tveir minuttir fyri, fekk Høgni Højsted beinleiðis reytt kort.

- Eg tók tað kanska eitt sindur fyri Ísak, heldur hann fyri eitt sindur skemtandi...men eri glaður fyri at tað var eg, og ikki hann, sum fekk reytt kort.

Sí eisini: Ísak: - Hetta var pent sagt forferdeligt - men glaður fyri at tað var eg

Liðspælarin gleðir seg nú til bronsuheiðursmerki, heiðran og summarfrí - og tað stendur væl til við eyganum.

Hoyr samrøðu ovast 

--------------------------------------

HM bronsudystir
Sunnudagin 29. juni, Arena Katowice
Føroyar - Svøríki 27-26 (12-12)

Les eisini: Føroysku U21-menninir koma heim við HM-bronsu um hálsin

----------------------

Dystargongdin í bronsudystinum