Agnar Prestá
Tað byrjaði ógvuliga væl, og Danmark var ávegis móti einum knúsandi sigri á Tunesia - líknandi sum móti Algeria í fyrsta HM-dystinum.
Sìðani kom nakað av grúsi í maskinuna, men heimsmeistararnir vunnu kortini púrta trygt: Við ellivu málum.
Jóhan á Plógv Hansen skoraði fýra av hesum málunum. Havnarmaðurin spældi, eins og í fyrsta dystinum, allan 2. hálvleik á høgra vongi. Men í mun til 0 prosent í effektiviteti tá (tvey brend skot og einki skorað), so skoraði Jóhan hesaferð uppá 100 prosent av skotunum: Fýra av fýra.
Nummar 26 var púra tryggur, tá hann fekk møguleikan. Í øllum førunum var tað í kontra ella í aðru bylgju, sum var størsti munuri á liðunum gjøgnum dystum. Jóhan á Plógv og Danmark royna at vinna fjórða heimsmeistaraheitið á rað og skulu spæla um 1. plássið í bólkinum móti Italia leygarkvøldið.
Ísland og Svøríki spældu sínar fyrstu dystir í gjár og vunnu sum væntað púra trygt - á ávikavist Japan og Kap Verde. Bæði spæla aftur í annaðkvøld.
Noreg tapti óvæntað móti Brasil í fyrsta dystinum og skal vinna móti USA í Oslo kvøld.
HM 2025 - innleiðandi bólkaspæl
Úrslitini í gjár, hósdagin 16.01:
Bólkur F (Noreg)
Svøríki 2 stig
Spania 2 stig
Kili 0 stig
Japan 0 stig
Spania - Kili 31-22
Svøríki - Japan 39-21
Bólkur G (Kroatia)
Slovenia 2 stig
Ísland 2 stig
Kuba 0 stig
Kap Verde 0 stig
Slovenia - Kuba 41-19
Ísland - Kap Verde 34-21
Bólkur B (Danmark):
Danmark 4 stig
Italia 4 stig
Tunesia 0 stig
Algeria 0 stig
Italia - Algeria 32-23
Danmark - Tunesia 21-32
Bólkur C (Kroatia):
Frakland 4 stig
Eysturríki 4 stig
Kuwait 0 stig
Katar 0 stig
Frakland - Kuwait 43-19
Eysturríki - Katar 28-26
Dystirnir í dag, fríggjadagin 17.01:
Bólkur A (Danmark)
Týskland 2 stig
Sveis 1 stig
Kekkia 1 stig
Pólland 0 stig
17.00: Kekkia - Pólland
19.30: Týskland - Sveis
Bólkur D (Kroatia) -
Niðurlond 2 stig
Ungarn 1 stig
Norðurmakedónia 1 stig
Guinea 0 stig
17.00: Niðurlond - Norðurmakedónia
19.30: Ungarn - Guinea
Bólkur E (Noreg) -
Portugal 2 stig
Brasil 2 stig
Noreg 0 stig
USA 0 stig
17.00: Portugal - Brasil
19.30: Noreg - USA
Bólkur H (Kroatia) -
Egyptaland 2 stig
Kroatia 2 stig
Argentina 0 stig
Bahrain 0 stig
17.00: Egyptaland - Bahrain
19.30: Kroatia - Argentina
Vinarliga broyt tínar kennifíla - og privatlívsstillingar fyri at síggja hetta innihald