Jón Simonsen og B36-kvinnur steðga samstarvinum

B36-kvinnur fáa nýggjan venjara. Hesum boðar felagið frá í dag, eftir at B36 og Jón Simonsen, sum hevur vant kvinnurnar síðani í vetur, eru komin ásamt um, at enda samstarvið partana millum.

B36 hevur havt tað trupult móti liðunum, sum liggja ovarliga á stigatalvuni, og tað sæst aftur, tí B36 hevur bara savnað 7 stig saman eftir seks umfør.

Nýggjur maður í venjarasessinum er Tummas Erling Djurhuus, sum undan hesum hevur verið høvuðsungdómsvenjari hjá B36, og sum eisini hevur vant annað-liðið hjá monnunum eitt tíðarskeið.

Sjøtul verður nú settur á steypakappingina hjá kvinnum, og B36 skal til Fuglafjarðar at spæla móti ÍF-kvinnum í 1. deild um at koma víðari til fjórðingsfinalurnar.

(Mynd: Sverri Egholm)

Støðan í Betri deildin kvinnur

1. KÍ (14 stig)
2. Víkingur (13 stig)*
3. HB (10 stig)
4. EBS/Skála (10 stig)
5. NSÍ (9 stig)
6. B36 (7 stig)
7. 07 Vestur (3 stig)*
8. AB/B71 (0 stig)

*Ein dyst færri