Sverri Egholm
Jørgen Nielsen, sum fyrst í hesum árinum soraði trý mál í trimum dystum fyri barndómsfelagnum NSÍ, hevur seinastu mánaðirnar verið útleigaður til svenska felagið Östers IF í næstbestu deildini. Men nú vendir hann nøsina heim aftur til NSÍ, skrivar bolt.fo.
Tað hevur annars gingið væl í Svøríki, sambært miðlinum. Ungi glyvramaðurin hevur skorað fimm mál fyri U21- og U19-liðini og hann hevur vant við besta liðnum.
18 ára gamli Jørgen Nielsen er eisini glóðheitur í løtuni. Týsdagin skoraði hann føroyska málið í dystinum móti Serbia, sum endaði við 1-1 javnleiki.
Eftir eina vánaliga byrjan er NSÍ komið fyri seg, og hevur 15 stig á sætta plássið. Bara fýra stig eru upp til B36 á fjórða plássið, sum gevur atgongd til Europa League.
Vit hittu Jørgen Nielsen aftaná 1-1 javnleikin móti Serbia týsdagin:
Vinarliga broyt tínar kennifíla - og privatlívsstillingar fyri at síggja hetta innihald