Kappróðurin má lúta fyri fótbólti

Eystanstevnukappróðurin verður ikki sendur í sjónvarpinum, sum vanligt er blivið seinastu árini. Í dag má hann lúta fyri landsdystinum í fótbólti millum Føroyar og Litava.

FM kappróðurin á Eystanstevnu byrjar klokkan 15 meðan landsdysturin byrjar klokkan 17. Kringvarpið boðar tískil frá, at kappróðurin verður stroymdur á heimasíðuni kvf.fo ístaðin.

Byrjað verður at senda frá fótbólti klokkan 16.30.