KÍ-fjepparar sleppa ikki við til Riga

Tað verður uttan KÍ-herróp frá áskoðaraplássunum, at besta mansliið hjá KÍ fer til Riga at spæla fyrsta umfar í Conference League tann 8. juli.

Felagið hevur fingið kunning frá UEFA um, at KÍ-fjepparar ikki sleppa inn á stadion at hyggja eftir dystinum, sum verður millum FK RFS og KÍ.

Orsakað av koronu var tað ikki møguligt hjá áskoðarum at vera til dystin, og tað verður heldur ikki møguligt í ár. Bert heimaáskoðarar sleppa inn á stadion til dystir í Conference League.

Til heimadystin við Djúpumýrar sleppa KÍ’arar og onnur áhugað til dystin.