Fótbóltur

KÍ og NSÍ vunnu greitt á heimavølli - EBS/Skála vann í Gundadali

Fjórði dysturin í umfarinum varð ikki leiktur orsakað av veðrinum í Sarpugerði, og KÍ er nú oddalið í jøvnu kappingini. Hervør Olsen skoraði øll fimm málini fyri greipuvinnararnar í gjár - Heidi Sevdal skoraði fýra ferðir í Runavík.

Hervør Olsen í rennidysti í steypafinaluni móti NSÍ í november. Hervør skoraði eitt av málunum hjá KÍ hendan dagin - í gjárkvøldið skoraði hon fimm (Mynd: Sverri Egholm)

Hervør Olsen í rennidysti í steypafinaluni móti NSÍ í november. Hervør skoraði eitt av málunum hjá KÍ hendan dagin - í gjárkvøldið skoraði hon fimm (Mynd: Sverri Egholm)

2021-05-06 14:28 Author image
Agnar Prestá
placeholder

Tað er ikki so stórur munur í oddinum í Betrideildini hjá kvinnum, og kappingin gjørdist ikki minni spennandi, tá EBS/Skála og NSÍ vunnu í 6. umfari, ið varð leikt í gjárkvøldið.

EBS/Skála vann heldur óvæntað á útivølli móti HB, ið frammanundan bert hevði tapt fyri Víkingi. Randi Fagradal skoraði einsamalla málið í dystinum. Liðini eru nú jøvn í stigum.

Í Runavík var málveitsla. NSÍ vann 5-2 á B36, og Heidi Sevdal skoraði fýra av málunum. Hetta var annar sigurin á rað hjá NSÍ. 

[object Object]
Heidi Sevdal hevur nú sjey mál í fimm dystum (Mynd: Sverri Egholm)

Í Klaksvík var tað serliga Hervør Olsen, sum var í hopla. Áleyparin skoraði øll fimm málini hjá KÍ, sum vann 5-1 á botnliðnum AB/B71. Hervør hevur nú skorað 10 mál í teimum seks dystinum í ár, og hon var við landsliðnum, tá tað var savnað fyri kortum.  

Víkingur var oddalið undan dystunum í gjár, og KÍ er nú farið framvið iðnum úr Eysturkommunu, ið hevur 13 stig og málúrttøkuna +13 fyri teir fyrstu fimm dystirnar. Víkingur og 07 Vestur skuldu spæla í Sarpugerði í gjárkvøldið, men hetta varð av ongum orsakað av ringa veðrinum. Óvist er, nær dysturin verður leiktur.

6. umfar í Betrideildini
05.05

HB - EBS/Skála 0-1 (0-1)
28' Randi Fagradal 0-1

NSÍ - B36 5-2 (3-1)
1' Heidi Sevdal 1-0
4' Unn Hvidbro 2-0
10' Jacoba Langgaard 2-1
33' Heidi Sevdal 3-1
63' Heidi Sevdal 4-1
87' Olga Kristina Hansen 4-2
89' Heidi Sevdal 5-2

KÍ - AB/B71 5-1 (2-0)
8' Hervør Olsen 1-0
25' Hervør Olsen 2-0
55' Hervør Olsen 3-0
57' Fridrikka Clementsen 3-1
80' Hervør Olsen 4-1
81' Hervør Olsen 5-1

Víkingur - 07 Vestur Útsettur

Støðan

1

KÍ
6
4
2
0
14
4
+10
14
2

Víkingur
5
4
1
0
16
3
+13
13
3

HB
6
3
1
2
13
8
+5
10
4

EBS/Skála
6
3
1
2
13
9
+4
10
5

NSÍ
6
3
0
3
18
11
+7
9
6

B36
6
2
1
3
14
15
-1
7
7

07 Vestur
5
1
0
4
6
17
-11
3
8

AB/B71
6
0
0
6
4
31
-27
0

Talva: FaroeSoccer


Komandi umfar (7. umfar):
12.05
EBS/Skála - Víkingur
07 Vestur - NSÍ

13.05
AB/B71 - HB
B36 - KÍ

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder