Agnar Prestá
Seinasta bríksl á Svangaskarði um 20-tíðina var tað seinasta í umfarinum. Tá kundi staðfestast, at KÍ framvegis hevur fult stigatal eftir seks umfør, og at B68 framvegis ongan dyst hevur vunnið í Betrideildini.
KÍ skuldi reisa seg, eftir at B36 sendi liðið úr steypakappingini leygarkvøldið. Longu í 3. minutti sló Páll Andrasson Klettskarð til eftir innlegg frá Claes Kronberg úr vinstru. Áleyparin byrjaði óvæntað á bonkinum í Gundadali og tykiskt hetta at hava sína ávirkan í tí dystinum. Páll var meira hvíldur, og helst eisini uppsettur, og hann økti stutt fyri steðgin við hegnisligu og fekk sítt hattrikk í 65. minutti.
Ímillum hesi málini hjá áleyparnum skoraði Árni Frederiksberg, og tjúgu minuttir fyri leiklok skoraði Kronberg sítt triðja mál í ár. Harvið endaði tað annað árið á rað 0-5, tá B68 tók ímóti KÍ á Svangaskarði.
Slíkir dystir er ikki væntandi, at B68 fær nakran sigur. Tó er slíkur stórsigur er ein smeitur, og nú er nakað av trýsti á Jákupi á Borg og hansara monnum sum eftir seks dystir og trý stig skulu koma í gongd í Betrideildini. Nú koma uppgávur móti uppflytarunum og botnliðnum - tríggir teir næstu dystirnar - men at spæla í Fuglafirði sunnudagin verður als ikki ein løtt uppgáva.
Hjá Magne Hoseth og hansara monnum var sigurin kærkomin eftir seinasta avrikið. Liðið hevur framvegis fult stigatal KÍ hevur nú fýra stig niður til HB og trý til B36. Næsta uppgáva er júst móti B36 - á útivølli.
Betrideildin 3. umfar (umfar nummar 6) - útsett frá 19. mars
Í dag, mikudagin 26. apríl
B68 - KÍ 0-5 (0-2)
3' Páll Andrasson Klettskarð (Claes Kronberg) 0-1
43' Páll Andrasson Klettskarð (Árni Frederiksberg) 0-2
57' Árni Frederiksberg 0-3
65' Páll Andrasson Klettskarð (Claes Kronberg) 0-4
70' Claes Kronberg 0-5
TB - ÍF 0-1 (0-1)
2' Hans Jákup Lervig (Elvio Gelmini) 0-1
Les eisini: ÍF er í topp-fýra
AB - 07 Vestur 1-2 (0-0)
72' Høgni Egilstoft Nielsen (Julian Mouritsen) 0-1
77' Uros Stojanov (Magnus Holm Jacobsen) 0-2
90 (+2)' Nicklas Mehl 1-2
Reytt kort: Bjarni Skála (89')
EB/Streymur - B36 1-2 (1-1)
2' Michal Przybylski (Jann Benjaminsen) 0-1
35' Bogi Reinert-Petersen (br) 1-1
73' Bjarki Nielsen 1-2
Reytt kort: Taufee Skandari (90')
Les eisini: Sær tungt út hjá AB
Í gjár, týsdagin 25. apríl
HB - Víkingur 1-1 (1-0)
42' Áki Samuelsen (Viljormur Davidsen) 1-0
56' Bergur Gregersen (Olaf Bárðarson) 1-1
Les eisini:
Ein ávis ónøgd í Gundadali
Bergur Gregersen: - Tað manglar tað síðsta hjá okkum
Viljormur Davidsen: - Skulu læra at vera meiri tolnir
Myndir frá dystinum
Støðan í Betrideildini
1. KÍ 18 stig
2. B36 15 stig
3. HB 14 stig
4. ÍF 9 stig
5. Víkingur 8 stig
6. 07 Vestur 7 stig
7. EB/Streymur 7 stig
8. TB 4 stig
9. B68 3 stig
10. AB 0 stig
Vinarliga broyt tínar kennifíla - og privatlívsstillingar fyri at síggja hetta innihald