Tíðindaskriv
Seinasta vikuskifti var stór badmintonkapping í Klaksvík fyri børn, ung og vaksin. Hetta var triðja Grand Prix-kappingin, og hon hevur heitið JFK-Open. Børn og ung spældu leygardagin í KÍ-høllini og badmintonhøllini. Sunnudagin spældu tey vaksnu í badmintonhøllini.
Fýra badmintonfeløg luttóku: HBF, ÍF, MBF og KBF. 144 leikarar vóru meldaðir til, sum leiktu tilsamans 200 dystir. Tað eru 12 leikarar fleiri enn til seinastu Grand Prix-kapping á Kambsdali fyrst í november.
Hóast tað vóru fleiri avmarkingar fyri at fylgja tilmælunum frá mynduleikunum, eydnaðist kappingin væl, og vit sóu nógvar spennandi og væl spældar dystir.
Í A-bólkunum, sum eru sterkastu bólkarnir, vann Klaksvíkar Badmingonfelag mest. KBF vann fimm bólkar, HBF fýra og ÍF ein bólk. KBF átti bert 30 prosent av leikaratalinum, so her eigur venjarin hjá KBF, Aritra Nandi, rós uppiborið fyri sítt arbeiði, skrivar Klaksvíkar Badmintonfelag á heimasíðu síni.
Hjá vaksnum A var eingin spenningur, hvør fór at vinna hjá monnum. Tað var meir spenningur um, hvør slapp at møta Wong í finaluni. Wong úr Malaysia er klárt nógv besti leikari í Føroyum. Hann er venjari hjá HBF, og er samstundis annar av landsliðsvenjarunum.
Fyrra semifinala var millum Jónas Djurhuus úr HBF og Wong, sum eisini spælir fyri HBF. Her vann Wong greitt 21-11 og 21-6. Hin semifinalan var millum Magnus Dal-Christiansen úr HBF og Ara Miné Jacobsen úr KBF. Talan var um ein javnan dyst, sum Magnus vann 21-15 og 21-19. Í finaluni millum Wong og Magnus, vann Wong greitt 21-14 og 21-9.
Hjá kvinnunum var meiri spenningur í, har vóru seks leikarar meldaðir til. Hálvfinalurnar hjá kvinnum vóru millum Lenu Mariu Joensen úr KBF og Miriam í Grótinum úr HBF, og í hinari møttust Bjarnhild í Buð Justinussen úr KBF og Sanna Thorkildshøj úr HBF. Lena Maria vann ein spennandi dyst móti Miriam, og Bjarnhild vann greitt á Sannu.
Finalan bleiv tískil millum tveir leikarar úr KBF, og her vann Lena Maria 21-17 og 21-13.
-
U11 A dreingir: Silvur: Eyðun Lamhauge, KBF. Gull: Jónas Festirstein Dam, KBF. Bronsa: Julian G. Hentze, ÍF og Jóhannes Lamhauge, ÍF (vantar á myndini)
-
U11 A gentur.Silvur: Paula Jákupsdóttir Høj, KBF. Gull: Rannvá Ryan, KBF
-
U11 B dreingir: Silvur: Pætur S. Højgaard, ÍF. Gull: Boas á Reynatrøð, ÍF. Bronsa: Hákun Thorkildshøj, HBF (vantar á myndini)
-
U11 B gentur: Silvur: Erla Joensen, KBF. Gull: Petra Johnsdóttir. Bronsa Anna Jógvansdóttir KBF og Eyðhild Jørgensen KBF (vanta á myndini)
-
U11 C dreingir: Silvur: Óðin Eldevig, HBF. Gull: Hans Andrias Arge, KBF. Bronsa: Dánjal Mortensen, HBF
-
U11 D dreingir: Bronsa: Meinhard Jacobsen, ÍF. Gull: Emil Poulsson Linklett, KBF. Silvur: Rókur Fonn, KBF. Bronsa: Bogi Samson Vang, HBF
-
U11 D gentur: Bronsa: Karin G. Hentze, ÍF. Gull: Jennhild Lydersen, KBF. Silvur: Mirjam Holm, HBF. Bronsa: Nina Bjørk Egholm, HBF
-
U13 A dreingir: Bronsa: Beinir Weihe, HBF og Heini Sólheim Guttesen, HBF. Gull: Kristian Jacobsen, ÍF. Silvur: Fríðrikur Helmsdal, KBF
-
U13 A gentur: Silvur: Margreta í Buð, KBF. Gull: Osla Johannesen, KBF. Bronsa: Naomi Rajani Færø, HBF og Inga Guðrin Samnuelsen, HBF
-
U13 B dreingir: Silvur: Nathaniel Ennistein Holm, HBF. Gull: Jafet Rasmussen, HBF. Bronsa: Mannbjørn Eysturtún, HBF og Ørvur Isfeld, HBF
-
U13 B gentur: Silvur: Hansina Eysturtún Mouritsen, HBF. Gull: Sarita Kvilt, HBF. Bronsa: Tóra Akralíð, HBF og Barbara Ottarsdóttir, HBF
-
U13 D dreingir: Silvur: John Ziska, KBF. Gull: Markus S. Højgaard, ÍF. Bronsa: Kaleb K. Hansen, KBF og Tístram Hammer, HBF
-
U15 A dreingir: Silvur: Christian Berg Petersen. Gull: Sjúrður Elias Heinason Eysturoy. Bronsa: Kristoffur Samuelsen og Markus Bjarnason, allir HBF
-
U15 A gentur: Silvur: Birna Jacobsen. Gull: Julianna í Heiðunum. Bronsa: Eyð Lamhauge Debess og Eira Ásbjørnsdóttir Petersen, allar HBF
-
U15 B dreingir: Silvur: Aron Rognsøy. Gull: David Syderbø. Bronsa: Rókur Wenningsted Ólason og Rúni Samson Vang, allir HBF
-
U15 B gentur: Silvur: Elisa Christiansdóttir. Gull: Bjarta av Vollanum. Bronsa: Jórun Vang, allar HBF
-
U15 C dreingir: Silvur: Alfred M. Johansen, HBF. Gull: Róar Frederiksen, HBF. Bronsa: Olivar Askham, KBF og Kári á Grønastøð, KBF (Vantar á myndini)
-
U17 A dreingir: Silvur: Bjarti Samson Vang, HBF. Gull: Asbjørn Heide Olsen, HBF. Bronsa: Dávid Flagsted Berg, HBF og Aron á Reynatrøð, ÍF
-
U17 A gentur: Silvur: Sanna Thorkildshøj, HBF. Gull: Bjarnhild í Buð Justinussen, KBF. Bronsa: Mia Thorkildshøj, HBF og Ranja Joensen, KBF
-
U17 B dreingir: Silvur: David Sørensen, HBF. Gull: Heini Eysturtún Rubeksen, HBF (vantar á myndini). Bronsa: Bjarni Horn Olsen, HBF og Rasmus Kirkegaard, KBF
-
U17 C dreingir: Silvur: Emil Kirkegaard, KBF. Gull: Fríði Hansen, ÍF. Bronsa: Rógvi Bertholdsen, KBF og Jón Rói Johnsson, ÍF
-
Vaksin A menn: Silvur: Magnus Dal-Christiansen, HBF. Gull: Fai Yin Wong, HBF. Bronsa: Jónas Djurhuus, HBF og Ari Miné Jacobsen, KBF (Vantar á myndini)
-
Vaksin A kvinnur: Bjarnhild í Buð Justinussen, KBF. Gull: Lena Maria Joensen, KBF. Bronsa: Miriam í Grótinum, HBF og Sanna Thorkildshøj, HBF (vantar á myndini)
Vinarliga broyt tínar kennifíla - og privatlívsstillingar fyri at síggja hetta innihald