Korona staðfest í kappróðrarumhvørvinum

Korona er staðfest millum rógvarar og áskoðarar, sum luttóku á ódnartøkum í Runavík í gjár. Hesum boðar Róðrarsamband Føroya frá í kvøld.

Smitta er staðfest í Hósvíkar róðrarfelag og í Róðrarfelagnum Knørri. Eingin frá Hósvíkar Róðrarfelag luttók á ódnartøkum leygardagin.

- Landslæknin tekur sær av smittusporing, men fyri at fyribyrgja, at smittan spjaðir seg, heitir Róðrarsambandið bæði á rógvarar og áskoðarar um at vísa varðsemi og at lata seg kanna fyri koronu, skrivar RSF á heimasíðuni.