Kunnu venja við A-landsliðnum í kvøld og fríggjakvøldið

A-landsliðið hjá monnum í flogbólti hevur venjing í kvøld og aftur fríggjakvøldið. Tað er sum so einki óvanligt í hesum: At landsliðið er saman tá lítil steðgur er í landskappingini fyri at fyireika seg til komandi avbjóðingar.

Tað heldur óvanliga við hesum er, at Flogbóltssamband Føroya um jólini hevur boða frá, at tað er frítt hjá øllum manligum leikarum at møta upp til venjingarnar í Skúlanum á Fløtum.

- Hetta eru opnar venjingar, t.v.s. at allir menn/dreingir eru vælkomnir til venjing

FBF skrivar, at A-landsliðsvenjing fyri menn verður 28. og 30. desember klokkan 19-21 í skúlanum á Fløtum.