Kvinnurnar fyrireika seg í Hvítarusslandi

Í morgin skulu Hvítarussland og Føroyar dystast í EM-undankappingini. Talan er um annan dystin hja Føroyum í undankappingini. Tann fyrsti var hóskvøldið móti Wales á heimavølli.

Les meira: Walisiskur stórsigur á Tórsvølli

Tað endaði 6-0 til sterka walisiska liðið. Nú skal vónbrotið vaskast av. Føroyski hópurin fór til Hvítarusslands leygardagin og hevur síðani fyrireika seg í góðveðrinum har.

Myndir: Føroyar-Wales

Í dag hevði føroyska liðið venjing á stóra leikvøllinum í Borisov, har stóra hvítarussiska liðið, BATE, hevur heimavøll. Tað vóru 25 hitastig, tá Føroyar vandu.


(Mynd: FSF)

Hvítarussland spældi ikki í farnu viku. Liðið er risafavorittur, men Føroyar fara eftir einum góðum avriki og úrslit í morgin. Dysturin verður vístur á Rás1 hjá Televarpinum.

Sí eisini: John Petersen: - Vit kunnu spæla á hægra støði enn vit gjørdu í dag

Les eisini: Lív verður møguliga við móti Hvítarusslandi