Landsliðið í inniróðri skal kappast um HM

Føroyska landsliðið í inniróðri er nú í Prag, har kappast skal um heimsmeistaraheitið í inniróðri fríggjadagin 23.02 og leygardagin 24.02.

Við eru fimm kvinnur, sum skulu luttaka í U23 og opnum bólki í 500 og 2000 metrum, umframt í liðkapping fyri kvinnur og blanda lið.

Sarita Kristina Hansen luttekur í LW23-39. Sarita hevur luttikið í altjóða kappingum í inniróðri í fleiri ár, Sarita er m.a. fleirfaldur evropa- og heimsmeistari. Umframt at vera rógvari, hevur Sarita seinastu 2 árini eisini verið landsliðsvenjari hjá føroysku landsliðunum í inniróðri, bæði fyri juniorar og vaksin. Sarita er dagliga knýtt at KÍF-kappróður, har hon er venjari og róðurskvinna.

Kristina Roest luttekur í W23-39. Hetta er fyrstu ferð, at Kristina umboðar Føroyar uttanlands. Hon hevur tó luttikið í heimligu inniróður kappingunum á nøkur ár og hevur luttikið í føroyskum kappróðri í fleiri ár. Kristina er knýtt at FSR.

Sára Maria Johansen luttekur eisini í W23-39. Dagliga býr Sára Maria í Danmark, har hon er í lestarørindum. Sára Maria er knýtt at róðrarfelagnum KVIK og er í løtuni ein partur av einum bruttohópi til eitt áttaraprojekt hjá danska landsliðnum. 

Í umrøðu sínu á á heimasíðuni nevnir World Rowing júst Sáru Mariu Johansen, sum ein rógvari at halda serligt eyga við. Unga kvinnan úr Froðba eitt heimsmeistaraheitið í fjør

Vár Guriardóttir Hansen luttekur í W21-22. Vár hevur luttikið í altjóða inniróður kappingum í fleiri ár og hevur eisini verið sjónlig í heimligu kappingunum. Vár var í 2023 á danska landsliðnum í skullara.

Zoe E. Dickson skal luttaka í LW21-22. Zoe býr í Danmark, har hon er í lestrarørindum og er knýtt til róðrarfelagið DSR. Zoe luttók við góðum úrsliti í dupultskullara á danska ungdómslandsliðnum í 2023. Í løtuni er hon knýtt at einum OL-projekti í dupultskullara.

Símun Tórur Joen-Jacobsen luttekur gjøgnum alnótiuna fríggjadagin.

Føroysku rógvararnir kappast hesar tíðir (føroyskar tíðir)

Fríggjadagin verður róð 500 metrar og liðkapping.

Leygardagin kappast allar 2000 metrar og liðkapping.

Úrslit og myndir frá kappingini kunnu millum annað síggjast á innirodur.rsf.fo og á sossialu miðlunum hjá Róðrarsambandinum

Róðrarsamband Føroya