![placeholder](https://roysni.fo/css/img/banner2x1.png)
Tað var við einmansavrikið, at Árni sníkti seg framvið tveimum mótleikarum og skoraði við skoti úr 20 metrum, til 1-0 til heimaliðið. Ein góðan hálvan tíma aftaná var aftur boð eftir Árna. Hann vann KÍ eitt brotsspark í tí at hann varð feldur, og VAR-rúmið staðfesti brotssparksdømingina.
Í seinna hálvleiki trýsti Differdange nógv meir, men álopsspælið gjørdist ikki nóg vandamikið. Í síðsta minutti í vanligu leiktíðini fingu FC Differdange helst dagsins málmøguleika, men ein ísakaldur Børge Petersen bjargaði á málstrikuni við høvdinum.
Tað hevur ikki áður verið so nógv VAR virksemi við Djúpumýru, men hetta ávirkaði ikki úrslitið meir enn so, tí endaliga úrslitið gjørdist 2-0 til KÍ.
KÍ (3-4-3/5-4-1): Mark Jensen - Alexanander Berntsson, Cedric Yambere, Børge Petersen - Claes Phillip Kronberg, Deni Pavlovic, Albert Ejupi, Patrick Da Silva - Árni Frederiksberg, Páll Andrasson Klettskarð, Micheal Williams.
Hesir komu inn fyri KÍ: 55' Dan í Soylu (fyri Deni Pavlovic), 69' Pætur Petersen (fyri Joseph Williams), 83' René Shaki Joensen (fyri Albert Ejupi) og 83' Odmar Færø (fyri Cédric Yambéré).
UEFA Champions League 2024 1. umfar - fyrri dysturin
Í dag, mikudagin 10. juli
19.00: KÍ - FC Differdange 2-0 (2-0)
12' Árni Frederiksberg 1-0
45'+1' Árni Frederiksberg, br. 2-0
Returdysturin millum KÍ og FC Differdange verður spældur í Luksemburg um eina viku, á Stade Municipal de la Villa de Differdange. Portalurin kemur við enn meir tilfari seinni, har vit gera samrøður og koma við myndum frá dagsins dysti.
Vinarliga broyt tínar kennifíla - og privatlívsstillingar fyri at síggja hetta innihald