Agnar Prestá
Sjey dystir í Premier League verða leiktir í morgin. Í Italia, Sveis og nú eisini Danmark og Føroyum verða dystirnir komandi vikurnar leiktir uttan áskoðarar orsaka av coronavirusinum, men soleiðis er ikki í Onglandi. Premier League hevur tó avgjørt, at einki lógvatak verður undan dystarbyrjan millum leikarar og dómarar.
Les meira: - Sleppa ikki at taka í hondina á hvørjum øðrum
Í Liverpool verða eingin børn sum leiða leikararnar inn, sum vanligt annars er. Menninir hjá Klopp hava tapt tveir dystir á rað og tríggjar útav teimum seinastu fýra - ein í Champions League, ein í Premier League og mikukvøldið í FA Cup á útivølli móti Chelsea. Tað er serliga ósigurin fyri Watford seinasta vikuskifti, tann fyrsti hjá liðnum í Premier League, ið var óvæntaður og sum vísti nakrar trupulleikar, ið Liverpool hevur í løtuni: Liðið mangar brodd í álopsspælinum, tryggleik í verjuspælinum og Jordan Henderson á miðvøllinum.
Liverpool hevr tó framvegis beina kós móti sínum fyrsta Premier League-heiti, men skal nú helst koma á røttu kós, áðrenn altavgerðandi Champions League dystin móti Atletico mikukvøldið. Mótstøðuliðið Bournemouth hevur fyri neyðuni at fáa stig.
Tað hava fleiri lið, ið spæla seinni eisini. Liðini frá nummar 12-17 á stigatalvuni spæla øll klokkan 15, og serliga Watford, West Ham og Brighton eru kroyst. Tottenham skal royna at finna stevið aftur í topp-fýra stríðnum, og og Arsenal skal royna at vinna seg meira inn í tað
Premier League 29. umfar
08.03
12.30:
Liverpool - Bournemouth
15.00:
Arsenal - West Ham
Crystal Palace - Watford
Sheffield United - Norwich
Southampton - Newcastle
Wolves - Brighton
17.30:
Burnley - Tottenham
Støðan:
1. Liverpool 79
2. Manchester City 57 *
3- Leicester 50
4. Chelsea 45
5. Manchester United 42
6. Wolves 42
7. Tottenham 40
8. Sheffield United 40 *
9. Burnley 38
10. Arsenal 37 *
11. Everton 37
12. Crystal Palace 36
13. Southampton 34
14. Newcastle 32
15. Brighton 28
16. West Ham 27
17. Watford 27
18. Bournemouth 27
19. Aston Villa 25 *
20. Norwich 21
*Ein dyst færri
Vinarliga broyt tínar kennifíla - og privatlívsstillingar fyri at síggja hetta innihald