Longd leiktíð á Tórsvølli

Farið verður nú undir longda leiktíð í Conference League dystinum á Tórsvølli millum KÍ og FC Ballkani úr Kosovo.

Dysturin endaði 2-1 til KÍ.

KÍ kom á odda í 55. minutti við einum góðum máli frá Mads Boe Mikkelsen, tá hann setti eitt flatt hornaspark frá Árna Frederiksberg í netið.

Ballkani javnaði í 82. minutti við einum góðum skoti uttanífrá, sum tann annars sterka KÍ verjan ikki megnaði at forða fyri.

Tá trúðu tey flestu, at liðið Kosovo hevði tryggjað sær víðari luttøku.

Men í næstseinasta minutti av vanligu leiktíðini skoraði Patrick da Silva sigursmálið, tá hann kom at standa fríur við vinstra málstópma.

Men eitt máls sigurin var ikki nóg mikið hjá KÍ at tryggja sær víðari luttøku í kappingini.

Nú verður farið undir umdyst, tvær ferðir 15 minuttir. Er dysturin ikki avgjørdur tá, verður brotssparkskapping.