Lutakastið til EM-endaspælið verður 10. mai

Føroyska manslandsliðið spældi seg í síðstu viku víðari til EM-endaspælið, sum verður í EM í januar. Hetta verður ein søgulig føroysk luttøka, tí eitt føroyskt A-landslið hevur ikki verið til eitt slíkt endaspæl áður - í nøkrum ítrótti.

Skjótt fæst greiða á, hvørjum Føroyar vera í bólki saman við. Lutakastið verður mikudagin í næstu viku, 10. mai, og evropeiska hondbóltssamgongan hevur kunngjørt, hvussu liðini eru styrkismett til lutakastið.

Sí eisini: Ein nýggjur veruleiki

24 lond hava spælt seg til endaspælið í Týsklandi. Seks bólkar vera við fýra liðum í hvørjum. Harvið eru fýra styrkisbólkar við seks liðum í hvørjum. 


(Mynd: EHF - evropeiska hondbóltssamgongan)

Ikki óvæntað eru Føroyar í niðasta styrkisbólkinum. Okkara skulu, eins og Georgia og Grikkaland, við til eitt endaspæl fyri fyrstu ferð.  

Spennandi bólkasamansetingar kunnu verða. Tvey lið kunnu koma víðari úr hvørjum bólki, so tað er á pappírinum ógvuliga ósannlíkt, at okkara spæla seg víðari til "høvuðsumfarið".

Styrkisbólkarnir síggjast eisini niðanfyri - eitt lið úr hvørjum lagi fer í hvønn bólk

Styrkisbólkur 1: Svøríki, Spania, Denmark, Frakland, Noreg og Ísland
Styrkisbólkur 2: Týskland, Niðurlond, Slovenia, Ungarn, Portugal og Eysturríki
Styrkisbólkur 3: Kroatia, Bosnia og Hersegovina, Pólland, Kekkia, Serbia, Norðurmakedónia
Styrkisbólkur 4: Sveis, Rumenia, Montenegro, Grikkaland, Georgia, Føroyar

Føroyar eru ímillum tey seks lægst styrkismettu liðini í kappingini - Eysturríki, ið vann okara bólk, er í styrkislagi tvey (Mynd: Sverri Egholm)