Fótbóltur

Malta omaná í hálvleikinum

Jóan Símun noyddist at melda pass stutt fyri fyrsta bríksl, og føroyingarnir hava havt trupulleikar í EM-undankappingardystinum á Ta' Qali leikvøllinum.

Jákup Thomsen fekk boð um, at hann skuldi byrja inni fáar minuttir undan dystarbyrjan
(Mynd: Sverri Egholm)

Jákup Thomsen fekk boð um, at hann skuldi byrja inni fáar minuttir undan dystarbyrjan (Mynd: Sverri Egholm)

2019-03-23 17:46 Author image
Agnar Prestá
placeholder

Malta kom betri út til dystin. Heimaliðið kom skjótt meira á bóltin, fekk nøkur hornaspørk og legði seg tíðliga á odda. Bólturin kom innfyri aftur úr vinstru, Nwoko koma at standa púra fríur, og við stútara fekk hann bóltin framvið Gunnari Nielsen. Hetta var fyrstu veruligi málmøguleiki í dystinum.

Føroyingarnir tytist heldur skelkaðir. Broytingin í álopinum undan dystinum, har Jóan Símun noyddist at lata seg avloysa av Jákupi Thomsen, og málið vóru við til, at føryingarnir als ikki fingu spælið at koyra næstu stóru løtuna. Tað vóru nakrir glottar, har ró kom á bóltin, síðani ein vandamikil støða har Sølvi Vatnhamar var nær við at koma til skot, og tvey hornaspørk stutt fyri steðgin. Føroyar skulu tó finna onnur ting fram til 2. hálvleik.

EM-undankapping – 1.umfar
23.03 á Ta' Qali National Stadium
Malta – Føroyar (1-0)
1-0 13' Kyrian Nwoko

placeholder
placeholder