2022-12-13 19:20
Agnar Prestá
Agnar Prestá
Í dag hevur lutakast verið á høvuðsskrivstovuni hjá CEV í Luksembourg um bólkabýti í nýggju Silver League. Talan er um ein bólk, har nøkur av lægru styrkismettu flogbóltstjóðunum í Evropa hittast, og er tað ikki talan um eins sterka mótstøðu, ið Føroyar møtti í í Eurovolley undankappiningi fyrr í ár.
Eftir lutakastið er greitt, at kvinnurnar eru í einum bólki við fýra liðum. Hesi eru Portugal, Montenegro og Georgia.
Mennninir eru í einum bólki saman við tveimum øðrum liðum; Letland og Kýpros. Flogbóltssamband Føroya skrivar soleiðis um møguleikarnir hjá liðunum.
- Mennirnir áttu at kunna gjørt seg galdandi ímóti Kýpros, um hugt verður at styrismetingini eina, og harvið møguliga kunna leikt seg víðari í kappingini. Hinvegin, so spældi Kýpros væl í Eurovolley undankappiningi og vann eitt nú báðar dystirnar ímóti Noreg.
- Um hugt verður eftir styrkismetunum hjá CEV fyri evropisku liðini, so áttu føroysku kvinnurnar at haft ein møguleika ímóti Georga, sum tapti allar sínar dystir í Eurovolley undankappingini.
Tvey lið úr hvørjum bólki koma víðari.
Bæði kvinnurnar og menninir byrja við sínum heimadystum og leika síðani útidystirnar, so síðst í mei og fyrst í juni verður flogbóltsfepur í høllini á Hálsi í Havn.
- Um hugt verður eftir styrkismetunum hjá CEV fyri evropisku liðini, so áttu føroysku kvinnurnar at haft ein møguleika ímóti Georga, sum tapti allar sínar dystir í Eurovolley undankappingini.
Tvey lið úr hvørjum bólki koma víðari.
Bæði kvinnurnar og menninir byrja við sínum heimadystum og leika síðani útidystirnar, so síðst í mei og fyrst í juni verður flogbóltsfepur í høllini á Hálsi í Havn.
Dystirnir hjá monnunum verða leiktir soleiðis:
28. mei: Føroyar - Kýpros
4. juni: Føroyar - Lettland
10. ella 11. juni: Lettland - Føroyar
17. juni: Kýpros - Føroyar
Dystirnir hjá kvinnum verða leiktir soleiðis:
28. mei: Føroyar - Montenegro
31. mei: Føroyar - Georgia
4. juni: Føroyar - Portugal
10. ella 11. juni: Portugal - Føroyar
14. juni: Georgia - Føroyar
17. ella 18. juni: Montenegro - Føroyar
Landsliðini bæði fara undir fyrireiking til kappingarnar millum jól og nýggjár, skrivar FBF.
Vinarliga broyt tínar kennifíla - og privatlívsstillingar fyri at síggja hetta innihald