Móttøka fyri luttakarum í treystikappingini NIAR

Treystikappingin NIAR varð skotin í gongd á Vaglinum í morgun, og Tórshavnar kommuna bjóðaði gjárkvøldið luttakarum, fyriskiparum og hjálparfólki til eina móttøku á Reinsarínum í Tórsgøtu, har forkvinnan í Vinnunevndini Kristianna Winther Poulsen helt røðu.

Kristianna Winther Poulsen nýtti høvið til at takka fyriskiparunum fyri at koma til Føroya at hava hesa kapping, og fegnaðist eisini um, at Perlan í Tórsgøtu verður høvuðssæti, meðan kappingin er í gongd.

Ferðavinnupolitikkurin hjá Tórshavnar kommunu Fólk og ferðavinna - lið um lið leggur dent á, at styrkja vinnuferðavinnuna, og eru kappingar av hesum slagi viðvirkandi til, at málið um, at Havnin skal gerast av ein av bestu vinnuferðavinnubýum í Evropa, kann røkkast komandi árini, skrivar heimasíðan hjá kommununi.

Kappingin NIAR byrjar og endar í høvuðsstaðnum, og luttakarar koma at ferðast eftir vegnum, gjøgnum fjøll og sjóvegis ígjøgnum 14 kommunur komandi dagarnir. Talan er um eina ekstrem treystikapping, har luttakarar verða undir stórum trýsti bæði kropsliga og likamliga.

Forkvinnan í Vinnunevndini hjá Tórshavnar kommunu greiddi gestunum frá søguni um navnið "Tórshavn" og vísti skemtingarsamt á, at tey fáa brúk fyri somu styrki og snildum, sum víkingar brúktu, tá teir á sinnið komu sjóvegis til Føroya.

Eisini fegnaðist Kristianna Winther Poulsen um, at føroyingar Ken Bærentsen og Jákup Petur Eliassen luttaka í kappingi og ynskti øllum bestu eydnu í kappingini, skrivar Tórshavnar kommuna.

(Mynd: Tórshavnar kommuna)