Myndir: Hugsavna seg nú um Ísland - í Íslandi

Reykjavík, Ísland (Portalurin): Seinnapartin hevur føroyska A-landsliðið við kvinnum havt sína fyrstu venjing í Íslandi fram ímóti avgerandi EM-undankappingrdystinum sunnudagin klokkan 17.

Eftir mat og nakað av hvíld á Grand gistingarhúsinum gekk leiðin við lítlum bussi yvir til høvuðssæti hjá Víkingi Reykjavík.

Felagið er mest kent fyri fótbólt, og í fjør vann Víkingur Reykjavík íslendsku greipuna. Hetta var við leirvíkinginum Gunnari Vatnhamar sum lyklaspælari.

Høllin tyktiskt góð at venja í. Eftir nakað av mentalari venjing við Jens á Skipagøtu og upphiting, var tað nógv álop móti verju. Serlig hugsavnan var á álopsspælinum.

Turið Arge Samuelsen var her nógv partur av bakketuni, meðan ungu Rannvá Olsen og Karin Egholm vóru á hvør sínum vongi.

Hinumegin vandi Maria Pálsdóttir Nólsoy nakað fyri seg. Bakspælarin breyt fingurin í venjing 2. páskadag, men gipsi hevur verið av tvær teir seinastu venjingarnar. Í dag gjørdi Maria, ið Beinta Bendix Laursen tape'aði væl inn, meira enn í gjár. Umframt at lofta og skjóta var hon við í nøkrum álopum.

Føroyska liðið hevur mat og hvíld á skránni aftur í kvøld, og fleiri fara at hyggja eftir landsliðsspælaranum Allan Norðberg spæla fyri Val her í Reykjavík. Í morgin eru tvær venjingar og aðrar fyrireikingar á skránni.