Myndir: Súkkla nú í Vágum

Nú er ikki nógv eftir fyri í dag hjá Jákup Peturi Eliassen og Ken Bærentsen, sum hava sett sær fyri at súkkla til allar bygdir í Føroyum upp á 48 tímar.

Túrurin fyri í dag endar í Gásadali, og í skrivandi stund eru súkklararnir í Sandavági.

Eftir ætlanini verða súkklararnir í Gásadali um middnáttaleitið.

Aftur í morgin verður súkklað, og byrjað verður í Fugloynni og endað verður mikumorgunin á Vaglinum.

Vit tóku nakrar myndir við Fútaklett fyri løtu síðani. Níggju súkklarar eru í fylginum í kvøld.

--

Súkklað verður millum annað fyri at seta fokus á Eydnudeildina, og tað arbeiðið tey gera. Til ber at stuðla við at flyta pening á kontu: 9865-3135467.