Agnar Prestá
Ein dystur í SMS-deildini varð leiktur í kvøld. StÍF var á vitjan hjá Neistanum í Høllini á Hálsi. Hetta var fyrsti dysturin í 6. umfarið.
Neistin hevði tørv á tveimum stigum fyri at fylgja við VÍF, ið vann í Klaksvík hóskvøldið. Seinast Neistin var í leiki, fekk liðið úr Havn javnleik móti greipuvinnarunum og favorittinum til at vinna aftur í ár.
VÍF vann greitt í Klaksvík
Heimaliðið greiddi eisini sína skyldu í kvøld. Útiliðið kom annars væl betri frá byrjan, og StÍF var eina løtu á odda 4-1. Dysturin javnaði seg tó skjótt, og heimaliðið tók leiðsluna fyri fyrstu ferð stutt fyri hálvleik. Í 2. hálvleiki koyrdi Neistin sigurin heim.
Neistin - StÍF 23-17 (12-7)
Toppskjúttar: Marjun Danberg 8, Rebekka Zachariassen 6
Neistin er ájavnt í stigum við VÍF og trý stig aftanfyri H71. Neistakvinnur hava tó leikt ein dyst fleiri.
Støðan:
H71 10
VÍF 7
Neistin 7 *
Kyndil 4
Stjørnan 3
StÍF 1 *
* Leikt 6 dystir - ein dyst fleiri enn hini liðini
Í morgin kl.14.00 tekur Kyndil móti VÍF.
Vinarliga broyt tínar kennifíla - og privatlívsstillingar fyri at síggja hetta innihald