Annað

NFL: 10 ára sáttmála til Mahomes

Kansas City Chiefs hevur longt sáttmálan við quarterback Patrick Mahomes, og ger hann til best lønta ítróttarfólk nakrantíð í amerikanskum liðítrótti.

(Mynd: EPA)

(Mynd: EPA)

2020-07-07 08:25 Author image
Niels Pauli Danielsen
placeholder

Vinnararnir av Super Bowl 2020 hava longt sáttmálan við quarterback Patrick Mahomes, og knýta harvið stjørnuleikaran at liðinum næstu tíggju kappingarárini.

Sambært amerikanskum miðlum hevur sáttmálin eitt virði á meira enn 500 milliónir dollarar, ið svarar til áleið 3,3 milliardir krónur. Hetta ger Mahomes til best lønta ítróttarfólk í søguni hjá amerikanskum liðítrótti.

24 ára gamli Mahomes hevur bert leikt trý kappingarár í NFL, men hevur longu nátt meira enn flestu aðrir leikarar á sama plássi gera eina heila yrkisleið.

Mahomes hevur einans verið fastur quarterback fyri Chiefs í tvey kappingarár. Tað fyrra árið førdi hann liðið til AFC-finaluna, og varð valdur til besta leikara í deildini, meðan Mahomes seinasta kappingarár førdi Chiefs allan vegin til sigur í Super Bowl finaluni, har teir vunnu 31-20 á San Francisco 49ers. Haraftur var Mahomes valdur til besta leikara í dystinum.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder