Norðoyastevnuróðurin eisini avlýstur

Eingin Norðoyastevna aftur í ár. Tað boðaði Klaksvíkar kommuna frá fyrr í dag, og nú boðar Róðrarsambandið at kappróðurin heldur ikki verður av ongum.

Róðrarsambandið fylgir sjálvsagt tilmælunum frá mynduleikunum, og avgerð er tikin um at útseta norðoyastevnuróðurin, verður sagt.

- Vit vóna at tað verður gjørligt at finna ein annan dag, at avgreiða róðurin. Vit harmast støðuna, serliga fyri rógvararnar og ikki minst fyri Klaksvíkar Róðrarfelag, sum aftur í ár og annað árið á rað missir sítt fíggjarliga grundarlag, sigur Róðrarsamband Føroya.