Fótbóltur

Norðurlondini vunnu trygt í gjárkvøldið

Ísland og Svøríki vunnu við 15 málum, og sviar eru víðari. Sander Sagosen og Noreg sigraðu eisini. Vertirnir vunnu við heili 19 málum og skulu dystast við Svøríki um fyrsta plássið í bólkinum. Í dag verða, møguliga, átta dystir.

Bjarki Elisson skoraði tólv mál fyri Ísland í 15-máls sigrinum á Algeria (Mynd: EPA)

Bjarki Elisson skoraði tólv mál fyri Ísland í 15-máls sigrinum á Algeria (Mynd: EPA)

2021-01-17 10:08 Author image
Agnar Prestá
placeholder

Átta dystir vórðu leiktir til HM-endaspælið í hondbólti hjá monnum í Egyptalandi í gjár. Liðini í fýra bólkum spældu 2. umfar í innleiðandi bólkaspælinum, og fleiri lið hava nú spælt seg til millumumfarið - spurningurin er so, hvussu nógv stig hvørt lið fær við sær víðari.

Úrslitini í gjár - 16/1


Bólkur H:
Hvítarussland - Suðurkorea 32-24 (15-9)
Russland - Slovenia 31-25 (16-13)

1. Hvítarussland 3
2. Russland 3
3. Slovenia 2
4. Suðurkorea 0

Suðurkorea loypti hvøkk á við at byrja betri enn Hvítarussland, men skjótt fingu risafavorittarnir vent dystunum. Russland vann óvæntað á Slovenia, ið verður mett at hava rímiliga góðan møguleika at bjóða av í stríðnum um heiðursmerki. Hvítarussland, Russland og Slovenia eru víðari til millumumfarið - spurningurin er bara, hvussu nógv stig hvat einstakt lið fær við sær. Russland er í sera góðari støðu undan síðsta dystinum, ið er ímóti Suðurkorea.  

Bólkur G:
Egyptaland - Norðurmakedóna 38-19 (20-6)
Kili - Svøríki 26-41 (16-20)

1. Svøríki 4 
2. Egyptaland 4
3. Kili 0
4. Norður Makedónia 0

Sviar og egyptar eru víðari. Bæði liðini vunnu heilt stórt í Kairo gjárkvøldið, og skulu mánadagin dystast um fyrsta plássið í bólkinum, ið gevur fýra stig víðari í millumufarinum. Tá spæla Norðurmakedónia og Kili um at koma víðari. Tað var Lucas Pellas, sum til dagliga spælir í Montpellier, ið gjørdist svenskur toppskjútti í gjár við tólv málum.

Bólkur F:
Marokko - Portugal 20-33 (12-12)
Algeria - Ísland 24-39 (10-22)

Portugal spældi seg víðari í bólkinum við tryggum sigri á Marokko - hóast norðurafrikanska liðið stóð seg væl í 1. hálvleiki. Ísland vann stórsigur, Bjarki Elísson var í hopla við 12 málum, og liðið hjá Guðmundi Guðmundssyni tryggjar sær 2. plássið í bólkinum og tvey stig við víðari við sigri á Marokko mánadagin.

1. Portugal 4
2. Ísland 2
3. Algeria 2
4. Marokko 0 

Bólkur E:
Eysturríki - Frakland 28-35 (13-17)
Sveis - Noreg 25-31 (13-17)

1. Frakland 4
2. Noreg 2
3. Sveis 2
4. Eysturríki 0

Noreg fekk síni fyrstu stig, tá Eysturríki varð skúgvað til viks í einum dysti, ið varð støðgaður ofta fyrstu løtuna orsakað av ymsum trupulleikum. Ikki óvæntað var tað Sander Sagosen, ið gekk á odda. Nummar fimm skoraði ellivu ferðir, og hann er nú toppskjútti í HM við 21 málum og hevur flest assist - 12. Harvið er Noreg á veg ímóti at tryggja sær 2. plássið. Frakland fer víðari og vinnur bólkin, um liðið fær stig ella ikki tapir ov stórt móti Sveis mánadagin. Sigurin á Eysturríki í gjár var tryggur. 

[object Object]
Sander Sagosen kom aftur upp á eitt tvísiffrað tal av málum - Frakland vann aftur (Mynd: EPA)

Í dag skal hin helmingurin av liðunum í eldin aftur. Eingin stóruppgerð er á skránni, men tvífaldu evropameistararnir hava knívin á barkanum móti Póllandi eftir javnleikin móti Brasil í fyrsta dystinum. Kroatia fekk eisini bert javnleik , hóast leiklut sum stórfavorittur, men mótstøðan hjá kroatum er tó væl lættari á pappínum enn tann hjá Spania í kvøld. Kroatia skal spæla móti Angola - tó uttan spælskiparan og stjørnuna Luka Cindric, ið er liðugur í HM-ednasoælinum. Hann hevur fingið ein vøddaskaða, og av tí at liðið er í einari "koronuboblu", ber ikki til at finna útav, júst hvat er galið. Cindric er farin til Barcelona fyri at fáa viðgerð.

[object Object]
Cindric og Kroatia høvdu tað trupult móti Japan. Spælskiparin er nú ikki longur í Egyptalandi (Mynd: EPA)

Danmark skal royna at byggja uppá heilt góðu byrjanina, ið heimsmeistararnir fingu móti Bahrain fríggjakvøldið. Tann dagin fekk Emil Jakobsen fyri aðru ferð staðfest koronu og er nú ikki á sama gistingarhúsi sum hinir í danska hópinum. Vongurin verður møguliga avloystur. Eingin annar í bobluni hevur fingið staðfest smitu, og í kvøld bíðar Congo, sum í sínum fyrsta hálvleiki í einum HM-endaspæli nakrantíð gjørdi bart. Tað verður tó allarhelst ikki javnleikur í steðginum í Kairo í kvøld. 

Støðan hjá Grønhøvdaoyggjunum er ikki góð. Sjey koronutilburðir vórðu staðfestir áðrenn fráferð til Egyptaland, fýra við komu, og tveir í gjár. Harvið eru 13 leikarar ikki tøkir til dystin móti Týsklandi, bert níggju eru, og sambært reglunum skulu í minsta lagi tíggju verða á dómaraseðlanum. Um Grønhøvdaoyggjarnar ikki fáa í minsta lagi ein nýggjan leikara til Egyptalands áðrenn dystin, so tapir liðið sambært reglugerðini 10-0 uttan dyst. Um liðið, sum fyri fyrstu ferð er til eitt HM-endaspæl, so heldur ikki fær mannað lið til mikudagin, so verður tað tveitt út. Víst verður á, at teir báðir leikararnir, ið fingu staðfest koronu í gjár, hava havt smittuna fyrr í mánaðinum, og tað er tað sum vísur seg, men hetta hjálpir einki. Hinir níggju vórðu kannaðir aftur í gjár.



Skráin í dag - 17.01 - og støðan í bólkunum

Bólkur A:
17.00: Týskland - Grønhøvdaoyggjarnar
19.30: Ungarn - Uruguay 

Týskland 2
Ungarn 2
Grønhøvdaoyggjarnar 0

Uruguay 0

Bólkur B:
17.00: Tunesia - Brasil 
19.30: Spania- Pólland 

Pólland 2
Brasil 1
Spania 1
Tunesia 0


Bólkur C
14.30: Katar - Japan
17.00: Kroatia - Angola 

Katar 2
Japan 1
Kroatia 1
Angola 0


Bólkur D

17.00: Argentina - Bahrain
19.30: Danmark - Kongo 

Danmark 2
Argentina 2
Kongo 0
Bahrain 0

placeholder
placeholder