Fótbóltur

NSÍ og Honka hava býtt um heimadyst

Hetta merkir, at NSÍ spælir fyrra dystin í fyrsta umfari í UEFA Conference League á Svangaskarði. Hann verður 8. juli.

Rógvi Egilstoft Nielsen í mjørkanum á Svangaskarði í fjør tá NSÍ vann 5-1 á Barry Town úr Wales (Mynd: Sverri Egholm)

Rógvi Egilstoft Nielsen í mjørkanum á Svangaskarði í fjør tá NSÍ vann 5-1 á Barry Town úr Wales (Mynd: Sverri Egholm)

2021-06-15 16:38 Author image
Agnar Prestá
placeholder

Í dag varð greitt, at NSÍ og KÍ fáa ávíkavist finska og lettiska mótsstøðu í fyrsta umfari í nýggju Conference League.

Í mun til í fjør, spæla liðini úti og heima, Dystirnir verða leiktir 8. og 15. juli.

Upprunaliga skuldu bæði KÍ og NSÍ hava útidyst fyrst, men nú er greitt, at tað NSÍ byrjar á heimavølli. Hetta kemst av tí, at HJK Helsinki hevur heimadyst í Champions League 7. juli. FC Honka Espoo - Espoo er áleið 16 kilometrar frá Helsinki - nýtir Bolt Arena hjá HJK til evropeiskar dystir, og harvið er avtala gjørd millum finska og føroyska felagið um, at spælt verður á Svangaskarði hósdagin 8. juli. 

Eina viku seinni spæla liðini í Helsinki. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder