Nú er Burn Fitness eisini við í Anti Doping-samstarvsavtaluni

Burn Fitness, sum hevur sítt virksemi í Tórshavn, hevur nú eisini gjørt samstarvsavtalu um antidoping.

Ítróttasamband Føroya skrivar, at Anti Doping Danmark/Føroyar fegnast um, at enn ein venjingarmiðstøð hevur gjørt samstarvsavtalu um antidoping. Burn Fitness er ein av teimum heilt stóru venjingarmiðstøðunum í Føroyum.

Á myndini síggjast dagligi leiðarin og ein av eigarunum í Burn Fitness , Jákup S Berg og Jarvin Feilberg Hansen frá Anti Doping Føroyum.