Nú kann atgongumerkjapakkin til EM-dystirnar í Sveis keypast

Føroyar verða í november-desember umboðað í EM-endaspælinum í kvinnuhondbólti. Føroyar eru í bólki við Danmark, Kroatia og sveisisku vertunum. 

Sí eisini: Leggja fyri móti Sveis 29.november - Danmark síðst á skránni

Í Hondbóltssambinum vænta og vóna tey nógvar føroyskar áskoðarar, og at fáa eitt heilt gott huglag í Basel - nakað líknandi tí í Berlin í januar.

Nú er møguleiki hjá føroyingum at ogna sær atongumerki í føroyska økinum. 

- Fyri at sita saman við føroyingunum, skulu tit keypa ígjøgnum hesa leinkjuna og síðani skriva koduna EURO-FAR í ávísta teigin. Hareftir kunnu tit klikkja á tey sitiplássini, sum tit ynskja at keypa. Talan er um eitt avmarkað tal av atgongumerkjum, sum eru tillutaði Føroyum.

HER er leinkjan, ið talan er um.

FanSacetion FAR skal veljast (Mynd: ticketcorner.ch)

Talan er um atgongumerki, sum eru til allar tríggjar dystirnar hjá Føroyum í bólkaspælinum, umframt hin dystin í bólkinum á sama dystardegi. Hetta skrivar Hondbóltssamband Føroya í dag.

Talan er eisini um tríggir ymiskir flokkar, í mun til prís. Hetta er eftir hvussu langt uppi ella niðri í føroyska bólkinum, ein situr. 

Sambært HSF fer Atlantic Airways fer at flúgva beinleiðis til Basel og fara flogferðaseðlar at koma til sølu í næstum.

Sí eisini: 
Andrass Thomsen: - Vóna at endurskapa góða stemningin
Hallur Danielsen: - Vóna at síggja nógvar føroyskar áskoðarar í Sveis