Nú snýr tað seg bert um Norðurmakedónia

Skopje, Norðurmakedónia (Portalurin): Føroyska feðalagið fór á flog í Yerevan klokkan 16 - og lendi klokkan 16 í Skopje. Flogtúrurin til norðurmakedónska høvuðsstaðin tók tríggjar tímar, men tríggir tímar eru á muni millum londini, so man "flutti seg ikki í tíð".

Umborð nýttu menn tíðina til at spæla kort, práta, hyggja film/røð ella til at sova. Venjaratoymi fyrireikaði seg til næstu uppgávuna. Ein ávís møði var, men eisini framvegis gleði um flotta sigurin í gjár.

Sí eisini: Stríðsviljin stóð væl omanfyri spælið

Eftir eitt stutt rend á gistingarhúsið fór manslandsliðið at venja. Allir høvdu rørslur saman við kropsliga venjaranum Eli Nolsøe Leifsson, áðrenn spælararnir vórðu býttir upp.

Hoyr: Flogprát við Eli og Inga

Eitt sindur av upphitingi - og spæli í 

Summir koyrdu á til interval

Teir sum spældu nógv í gjár, strektu út eina løtu saman við Álvi Hansen, fysioterapeuti teir sum spældu lítið ella einki spældu intervalspæl uppá tvey mál, har Atli Gregersen koyrdi á teir, og Hallur Hansson vandi saman við Jákupi Reinert Højgaard eina løtu.

Hallur Hansson fekk nakar einfaldar rørslur og alveringar - hetta fyri at royna seg eitt sindur. Hallur merkti einki til tjúkkan í sambandi við venjingina

Miðvallarin, ið merkti eitthvørt í tjúkkanum til venjing týskvøldið, spældi ikki í gjár, men vónin er, at Hallur kann fáa ein leiklut sunnudagin. Hann skal í øllum førum royna seg til venjing seinnapartin í morgin verður staðfest.

Tann venjingin verður á stóra dystarleikvøllinum í Skopje, har seinasti dysturin í bólkinum er á skránni sunnudagin klokkan 14 føroyska tíð.

Sí eisini: Føroyar hava tryggjað plássið í deildini