Øðrvísi at hyggja eftir dysti

Tey munnu vera nógv, sum hava hugt í Televarpinum, men summu leitaðu sær út í kuldan at síggja teirra lið spæla.

Í Runavík vóru nøkur á høvdini í sunnara endanum av vøllinum, á Skála stóðu bilar á landsvegnum og í Klaksvík stóðu fólk á altanum, onkur uttanfyri hegnið og onkur annar á Kjøli.

Fyribils sleppa eingir áskoðarar til dystirnar í Betrideildini, men tað er torført at forða øllum, sum so fegin vilja sleppa til dyst. Vónandi sleppa áskoðarar til dyst aftur skjótt.