Annað

Ólavsøkukappríðing í Marknagili á 50. sinni

Riðið hevur verið kapp á Ólavsøku í nærum hundrað ár - hesi seinastu fimmti á breytini við Marknagil.

2020-07-29 12:39 Author image
Ingi Samuelsen
placeholder

Kappríðing á ólavsøku er gamal siður, kappast hevur verið í nærum 100 ár, men seinastu 50 árini hevur kappríðingin verið við Marknagil. 

Soleiðis er eisini í dag, ólavsøkudag. Klokkan 14 byrjar kappríðing har 26 ross luttaka. Kappast verður í seks greinum: skeið, tølt, trav, tvíspor ung, tvíspor II flokkur og tvíspor I flokkur. 

Skeið og tølt eru greinar har rossini ríða hvør sær 100 metrar. Tann sum so hevur bestu tíð er vinnari. Trav, tvíspor ung og tvíspor II flokkur verður riðið í riðlum á 250 metrar, har tvey ella trý ross eru í hvørjum riðli. Tann sum so hevur bestu tíð vinnur. Sama er galdandi fyri tvíspor I flokk, men har verður riðið 500 metrar. 

Nógv fólk hava sum fasta sið, at leita sær niðan í Marknagil ólavsøkudag, har fæst kaffi og annað til keyps. 

Paringar og kunning um ross sæst á leinkju her 

 

placeholder
placeholder